邵音音撑新手监制微电影扬威海外　严崇天罗沛琪计划拍动作片

艺人罗沛琪（Pinky）、严崇天荣升监制拍摄微电影《地产KOL》，更邀请前辈邵音音参与演出，早前传来好消息，电影荣获法国尼斯国际电影节（Golden Giraffe International Film Festival） 最佳喜剧奖，音音姐闻讯后“开心到弹起”：“严崇天需要到我，我都会帮手。我拍电影咁多年，当然知道电影节好难攞奖，加上今次题材只系讲‘地产’，唔算太惊艳嘅题目，证明评审系觉得演员、整部电影充满喜感。”面对两位“新手”监制，音音姐片场化身“大师姐”，不时鼓励大家、指点如何演戏：“Pinky、亚天可能综艺出身，佢地成日担心演得唔够好，偏偏我就觉得佢哋好自然，有时唔洗成日‘Chok样’嘅。”

身兼监制、编剧、演员的罗沛琪就话碌尽人情卡，好快埋班开机拍摄：“拍摄期间正值疫情高峰时期，每日都有工作人员确诊，一场戏改咗六次先拍得成。其实做演员真系好被动，难得有投资者出钱，梗系自肥拍吓微电影，揾嚟好多好朋友帮手。”Pinky仲话音音姐不时讲“戏经”，每日都会“赛后检讨”：“佢收工就会短讯比我讲吓今日拍成点、有冇进步，其实佢好易带人入戏，教识我哋点先可以将啲情感收放自如。”

另一监制、演员严崇天笑言“卖身”比音音姐，笑言随传随到帮手做“阿四”：“佢系我圈中一个最重要嘅前辈，今次系一口答应演出。如果佢工人要放假，佢要我帮手嘅，我仆到去帮佢执头执尾。”今次电影扬威海外，严崇天计划再拍动作片：“因为我识跆拳道，加上好多韩国演员朋友，所以拍动作片都几大挑战，不过Pinky要练吓啲一字马，拉吓筋先可以同我对打！”