港姐开圣诞派对打边炉仲有咩？　冠军林钰洧：徐麟最钟意嘅麻将！

香港小姐冠军林钰洧、季军梁超怡和5强徐麟昨日（4日）出席高锟慈善基金与商场合办的慈善义卖活动。虽然未到圣诞节，但原来她们一早就约好开圣诞节庆祝。林钰洧接受《香港01》访问时说：“我哋会约埋搞个圣诞party，同埋会交换礼物，一份整蛊，一份就系正常礼物，两份都未买，不过我谂到要买啲咩。”她透露整蛊的礼物好有可能是会发声的礼物。

圣诞party有什么做？林钰洧回答说：“大部份都会去，有啲返咗去读书唔喺香港就出席唔到，都系约埋喺某个朋友屋企打边炉，或者party room，未知呀。”派对有什么节目？她表示可能会一齐开大食会，唱歌又或是打“攻打四方城”打麻将。她说：“有咩玩？我谂徐麟最钟意嘅麻将啦，哈哈。”10几个佳丽咪要开4，5台麻将？林钰洧回答：“好少识打，都系徐麟带头嘅。”

之后徐麟接受《香港01》访问时，也表圣诞节会和港姐们一齐开圣诞party，说到林钰洧透露她喜爱打麻将，她就回答：“其实我都唔识打广东麻将，而家学紧，都系识少少。（麻将）多咗一个放松嘅玩意。而家仲读紧书嘛，冇咁多时间娱乐，开party都系好耐先有时间。”她表示自己虽然会打麻将，但都是打“健康牌”纯粹娱乐。