法证先锋V｜《香港仔》后再背部全裸上阵　蔡洁难忘严冬瞓钢板床

台庆剧《法证先锋 V》12月2日晚上一集，董应伟（关楚耀饰）直闯Dr. Fan（蔡洁饰）工作室，将衣服割开欲行刑，画面上蔡洁几近全裸挑战电视呎度。蔡洁已非首次为艺术牺牲，2014年电影处女作《香港仔》中，饰演“护士仔”的蔡洁首次拍戏就有大胆演出，全裸上阵与曾志伟演情欲场面，令人留下深刻印象。谈到两场绑架戏，蔡洁坦言十分难忘，尤其是解剖室场口：“𠮶场戏拍咗成日，我就喊咗成日，拍完对眼肿晒。”

前晚（1日）及昨晚剧情围绕“十八层地狱杀人案”作为主线，董应伟（关楚耀饰）与卜大山（易智远饰）因贫富悬殊等问题，对三名豪宅住户动了杀机，先后以残忍的“冰山地狱”、“血池地狱”及“火山地狱”手法予以杀害，更将之视为艺术。Dr. Fan（蔡洁饰）调查期间意外揭发位于旧楼天台的大型地狱壁画，遭大山绑架并欲对其施予“孽镜地狱”酷刑，幸余Sir（黄宗泽饰）及井Sir（袁伟豪饰）及时赶至。大山死后，原本与Dr. Fan有感情线的应伟直闯女方工作间并将其迷晕，更欲以“磔刑地狱”将Dr. Fan“凌迟”处死，最后Dr. Fan以奇招松脱手铐将应伟杀死……由于剧情紧凑有张力，加上画面构图有心思，不少网民都对相关单元大派正评。

谈到两场绑架戏，蔡洁坦言十分难忘，尤其是解剖室场口。蔡洁指该场口虽看似是全裸演出，但其实全部借位拍摄！她续指最难忘是拍摄时是大冬天：“拍𠮶度系剧集主景之一，喺𠮶度我拍咗好多解剖尸体嘅场口，咁啱就喺最冻𠮶几日要拍晒佢。喺𠮶度我有大量喊戏，𠮶段日子好似入咗个时间房间咁，不断解剖同不断喊。” 蔡洁又大赞扮演尸体的演员很专业：“因为佢哋唔能够著衫，仲要瞓上张钢板床，就算现场有暖风机暖住，依然都系超冻。我好记得有几位演员系要湿晒咁瞓上去，佢哋一Cut机系冻到系咁震，但一话Roll机真系可以完全唔郁，我好佩服佢哋，好敬业。”

蔡洁又谓当自己瞓上钢板床一刻，除了心想“你都有今日喇”外，亦大叹场口难度高：“因为我双手都畀人绑住、个口又封住咗，我作为一个活生生嘅人系咁畀人𠝹，要靠对眼同仅有嘅肢体语言去演绎好痛、好想大叫但叫唔到、同埋好惊嘅状态。𠮶场戏拍咗成日，我就喊咗成日，拍完对眼肿晒。”谈到另一场被绑戏，蔡洁则大赞道具制作用心：“我喺现场都觉得布置得好靓，拍出嚟好有美感。因为啲镜有弧度，我自己瞓喺度睇自己时，我喺唔同嘅镜入面见到我个人系好扭曲，变相呢种影象好脗合到个罪犯嘅心理同埋𠮶种压抑感，所以个Setting系好精彩。” 谈到一晚被绑两次，蔡洁笑指最大难度竟是保持靓样，她笑谓：“瞓喺度拍戏最大挑战系好难拍得靓，我觉得自己个头向上好丑样，所以全程都要留意住点样瞓得可以靓少少。”

另今次难得一尝演大坏蛋滋味的关楚耀（Kelvin），则笑言过足戏瘾：“多谢导演信任，畀我自由发挥做啲好冇表情、但内心又好矛盾嘅戏。好多时我都系去到现场凭感觉去演，所以好多时演出嚟都系啲冇预计过嘅反应同动作，所以好好玩，亦都充份表现到自己现实中最黑暗𠮶一面。”谈到绑架蔡洁戏份，Kelvin笑指当时最大压力是最紧要快手：“佢喺现场著得好少布，但又要瞓喺𠮶张钢床度真系好冻、好辛苦，所以我好想快啲解决咗件事。”