Angelababy飞澳门做游客　豪住五星酒店房价3千起跳

Angelababy(杨颖)日前忙里偷闲，与友人去到澳门游行散心。由佢喺微博分享的片段所见，除咗走访多个景点之外，葡挞、奶茶、骨煲等美食全部都试晒。

影片中，baby亦有开箱自己嘅酒店，有网民随即发现Baby入住嘅系位于路氹嘅位伦敦人酒店，房价每晚约3千多港元，房内除有按摩椅外，亦有超巨浴缸。近年由于疫情关系，唔少澳门嘅酒店都割价吸客，五星酒店如文华东方、四季酒店、 Ritz Carlton等全部房价都两千有找，唯独伦敦人未有加入减价行列。虽然有指Baby“降呢”被飞出C位，代言数暴跌，但似乎未有影响其生活质素。