绳角｜自认演技唔够成熟望多包容　林恺铃激赞AK：佢做得好自然

有“最美星二代”之称的林恺铃（Ashley）近日出席美容食品活动，以一身露肩橙色紧身装现身，相当漂亮。而其主演的ViuTV剧集《绳角》播出后口碑不俗，不过对于有网友质疑男主角们既然身为拳手，但身型上似乎不够大只，对此她就认为拳手是有分不同的级别的，更扬言AK（江𤒹生）演得非常好，对他有赞无弹。

在《绳角》中Ashley是一位好喜欢音乐的女生，而戏外的她同样喜欢音乐，懂得多种乐器有六级钢琴兼八级声乐资格。对于剧集受欢迎，Ashley开心之余亦表示自己晚晚都有追看，不过对于自己的演出她认为还有进步空间，叫大家多多包容，她在接受访问时表示：“对于我自己嘅演出我会觉得第一次尝试嚟讲都OK嘅。我会觉得可能唔够成熟，唔够稳定，但我会觉得演员有唔同嘅阶段，希望大家可以多多包容。（妈妈有冇俾咩意见？）佢会觉得我应该再放松啲，再enJoy多啲成个拍戏嘅过程，因为佢都见到可能其他嘅角色已经好松，角色同个人好一体，佢就会觉得呢样嘢你可能多多值得向其他嘅演员学习。”

另外讲到有网友认为《绳角》一剧与去年TVB播出的剧集《拳王》大同小异，身为拳手的男主角们AK﹑Lokman（杨乐文），同张振朗的身型相差甚大，似乎未能达到拳手肌肉分明﹑壮硕的大只身材，对此Ashley就认为：“我觉得拍戏好多时候大家练某一个身型系为咗视觉效果，但系其实拳手都有分好多级别，有分轻量级，有唔同嘅分层，我觉得各位拳手已经操到佢哋好真实嘅样貌，可能大家喺隔住萤幕，隔住一层就会觉得唔够大只？我自己就唔觉得系咁，我觉得佢哋已经足够真实，大家可以仔细留意一吓，唔同嘅角色佢哋打嘅拳嘅style系有挂钩喺到，呢样嘢值得大家留意，唔好净系睇佢哋嘅身型。”强调他们操得好好，好符合剧中的角色。

剧中AK表现亮眼，而Ashley亦对他有赞无弹：“我觉得AK真系做得好好，首先我觉得个角色同佢本身个性格同佢本身个人已经好一体化，好相似，所以佢成个过程做得好自然，我觉得系非常之成功。”