刘恺威与内地女星李晓峰拍拖　刘丹唔敢同孙女讲：佢爹哋返嚟先讲

刘恺威早前被影到与内地女星李晓峰十指紧扣现身北京机场，大方宣布有新恋情，刘恺威回应传媒时，表示与李晓峰相处很夹，完全难掩蜜运中的喜悦。

今日（22/11）刘丹出席《爱回家之开心速递》的宣传活动，接受《香港01》访问，首次回应儿子刘恺威的新恋情，丹爷对于恺威有新女朋友大感开心，笑到见牙唔见眼表示：“期望咗呢一日都期望咗好耐，终于等到有好消息啦，头先啲朋友都问我，哗你呢几日，个啲笑容特别灿烂左。”

不过丹爷就透露暂未有机会见吓晓峰真人，不过恺威有发恋爱照给丹爷看。至于恺威的新对象，他就十分满意：“我个仔满意，我就一定满意，而家睇佢个样都非常之开心啦，我当然戥佢开心啦。”被问到会否希望他们成家立室再生过孙仔时？丹爷就话随缘啦：“一切随缘，佢哋自己做佢哋钟意做嘅野，咁我哋都系只有支持佢，所以唔会参加咩意见。”

至于刘恺威与前妻杨幂所生的女儿小糯米，暂时未知爸爸已有新恋情，丹爷希望由恺威亲自向女儿交代：“未讲啊，我本来想讲，但系糯米嫲嫲就话，不如唔好讲啦，等佢爹哋返嚟自己讲，咁我又系㖞，爹哋同佢讲就仲好啲，因为我而家同佢讲，始终我都系另外一个人，可能讲到佢哋都唔系好明白咩事，咁不如等佢爹哋返嚟先讲，咪仲实际啲亲切啲！（你觉得小糯米听到会有咩反应？）扭计就应该唔会㗎喇，应该都系开心㗎。”

另外，被问到新年刘恺威会否带新欢返港探亲？丹爷皱晒眉头表示：“恺威我就知道佢过年前应该做晒啲嘢，佢就可以返到嚟，咁佢女朋友而家仲，仲有咩工作未做得完呢，咁唔可以劈低啲工作唔做就返嚟，咁要等佢一齐做完，能够计唔计算得到啲时间咁准呢，咁我就唔知啦。”