王玉环扮僵尸最怕半夜去厕所 遗憾冇生小朋友盼事业冲到100岁

80年代“鬼后”王玉环拍过《僵尸家族》、《灵幻小姐》等多套经典僵尸片，93年放下艺人身段，转投保险，因屡破佳绩而获封“保险女王”，更成为首位女性出任高级区域总监，一度成为香港保险界的传奇。

“好多人以为我系中韩混血儿，其实我系中国人，但喺韩国出世长大，后来去台湾读大学，嚟咗香港40几年个个都笑我讲东话歪得好紧要，哈哈。”在国立台湾艺术专科大学毕业，王玉环来港后希望拍戏，但样子“鬼鬼地”被嫌不适合古装，机缘下认识已故著名导演兼演员午马，让她踏上“鬼后”之路，“𠮶时流行鬼戏，拍咗好易被定型，好似王祖贤𠮶啲靓鬼，我就做厉鬼、恶鬼。咁耐以嚟都未遇过咩怪事，但有时半夜去洗手间都会惊，因为我系化鬼妆，会唔够胆照镜。”

王玉环与午马相恋15年，惜最后缘尽分开，“我哋都开心，拍咗拖15年先分开，我都觉得留下美丽回忆。佢人好好、好幽默。”

想过52岁想生小朋友

女强人背后都有柔情一面，66岁的王玉环与丈夫同谐白首二十载，亦曾想过生儿育女建立完整家庭，可惜错过最佳时机。“后生时候有谂过，但我结婚都迟，47岁先结婚。52岁揾过医生，𠮶时我觉得同先生感情同自己心态都稳定，但医生话唔得呀，卵子已经年纪太大。以前系会想，现在会安慰自己，冇小朋友就冇小朋友嘅好处，如果有小朋友，我嘅事业未必会咁专注，坦白讲，呢个系事实，现在可全心全意，我团队都系仔女一样，一齐成长，互相成就，有佢哋我先有今日，坦白讲，唔系我一个人嘅力量，同事有成功我都好开心。”

过去几十年，王玉环都早出晚归只顾工作，直至疫情，才多了时间留在家中，渐渐学懂放慢脚步欣赏周围美景，及享受人生。“依家我每朝都会喺附近行山一小时，对身体好。我又好喜欢插花，虽然每次都花上近10小时，朋友问辛苦，但我觉得好自愈、好减压，插花都系一种艺术，视乎季节，每次用唔同颜色鲜花配搭出唔同效果，就好似一样作品。”王玉环对每件事都一丝不拘，永不言休：“我都希望好似修哥咁，90岁开演唱会，我都想90、100岁都系做保险。”将踏入新一年，她希望再升级做行政区域总监，将现有的500名下属再翻多一倍，不停挑战自己。

王玉环屋企成艺人打卡热点，点击睇更多靓相：