专访︱Dear Jane入行16年首开户外骚 主音Tim劲兴奋︰冇嘢要担心
“乐队梦寐以求开骚嘅地方一定系户外，终于有适合嘅地方，开心、兴奋，期待。”乐队Dear Jane成军16年，终在本周五（18/11）迎来首个户外演唱会，在西九文化区竹翠公园举行一连三场的《Dear Jane What's Happening Live 2022》。虽然专访当日距离开骚还有一个月，不过当四子谈起筹备情况、为乐迷准备的惊喜时，从他们眉飞色舞的表情已经感受到未开骚先兴奋。两年前推出的《银河修理员》，对乐迷来说别具意义，“祝你在乱流下平安”不单单是一句歌词，更是近年互相问候、简单却意义重大的祝福。主音黄天翱（Tim）回想起当初收到黄伟文（Wyman）的歌词时已经觉得好劲，“好简单咁讲穿晒所有，教识一个人点样去爱”，亦一度怀疑自己到底“够唔够班去唱一个咁嘅message？”
入行16年首开户外骚 Jackal预告“观众愈High，我哋就更落力”
曾踏上过会展、九展，红馆舞台的Dear Jane，今次杀入西九文化区竹翠公园举行首个户外演唱会，四子表现得兴奋又期待。谈到室内与室外开演唱会的最大不同，阿Tim坦言户外骚的气氛是室内骚找不到的，“大家入到嚟嘅心情、𠮶种空旷嘅地方，同埋我哋之前都有机会玩下啲音乐节outdoor show，我哋玩嘅心态又唔同，大家会relax啲，某啲位又会去尽啲呀。”他们玩得更放、更尽情之际，观众的反应亦会直接影响台上四位的演出，低音结他手伍汉邦（Jackal）表示，观众睇得愈开心、愈投入，他们就会表现得愈落力，“室内好似红馆，有好多灯光、机关，每一part要好精准。室外就好纯粹靠音乐去带动观众气氛，而观众亦都畀番𠮶个气氛我哋，观众愈开心、愈High嘅时候，我哋就更加落力去做呢件事。就算同一首歌，去到户外唱番同一首歌，都系两种感觉。”
结他手翁厚梁（Howie）认为两者最大不同是观众的观感，“其实室内同室外嘅演出有咩唔同，成日答我哋会做啲咩……其实唔系，最大嘅分别系观众观感上有咩分别，观众嘅角度先至最大分别。室外嘅，你会有一种感觉系望住个台、望住个环境，有天然海风吹埋嚟，望住上面好多星星，已经满晒分。”
演唱会主题描述现今情况 Nice形容歌单“包罗万有”
受世纪疫症影响多时，Dear Jane认为演唱会主题“What’s Happening”正好描述现今情况。阿Tim解释，“好啱而家，到底发生过咩事呀？同时都系关心吓人嘅一句说话嚟，‘好耐冇见啦，Hey What’s Happening？’...呢几年大家俾疫情搞到好攰，亦都留意到大家缺乏咗人哋俾你嘅关心、问候，呢个几贴题呀，好似好亲切。”歌单编排上，Jackal以及鼓手黎俊华（Nice）就形容为包罗万有，“由开始到而家”。阿Tim补充，“玩番啲旧嘅歌，会玩埋头一、两只碟啲punk歌，终于有个场地啱摆入去个rundown度玩。”四子还透露今次会有翻唱环节，歌迷亦可到Dear Jane的社交平台写下想听曲目，“可能系一啲我哋帮其他artist做嘅歌，或者一啲大家好耳熟能详但估唔到嘅歌。我哋其实都召集紧意见，如果大家钟意嘅，可以喺我哋嘅IG comment话番畀我哋知，你哋想听啲乜呀。”
至于惊喜方面，Howie直言准备了很多，“申请紧嘅有放烟花、喷火。To be confirmed嘅大型波波、掉波波、喷水，好多好多室外先做到嘅嘢，希望某啲做到，全部做到。”歌手在筹备演唱会的过程中，或多或少都会感到紧张甚至担心，但Dear Jane却轻松表示“冇嘢要担心”，阿Tim笑言，“以前可能会好紧张，有冇人买飞嚟呀。今次我哋想focus嘅系have a good time，所以你嚟，系一定have a good time。”
新歌充当爱情止痛药 “就系经历过，先至识得去扶持”
正式开骚前，Dear Jane推出新歌兼演唱会主题曲《到底发生过什么事》，并再次找来Wyman填词。阿Tim亦在专访中细说新歌背后故事，“两个可能以前同班同学，或者以前可能一齐过嘅一男一女，相隔好多年冇见，喺酒吧撞番，男仔见到女仔会谂，点解你而家变到咁憔悴？其实见到𠮶刻，已经好想知到底你发生咩事，但系同时已经好明，呢个人发生嘅系类似啲咩事。畀好多听众一个空间去代入，可能大家经历唔同种类嘅呢啲感觉。就系你经历过，先至会识得去扶持，鼓励佢哋呢个系难关嚟，但唔紧要，你得嘅，可以继续行你下一步”，Jackal简单概括新歌就是“爱情止痛药”。
用歌唱出乐迷心声 从没想过《银河修理员》影响力咁大
《圣马力诺之心》、《人类不宜飞行》、《脱骹的华尔兹》到新歌《到底发生过什么事》，不少歌迷形容Dear Jane近年的作品为“疗愈系歌曲”。阿Tim坦言最开心是可以替别人唱出心声，“畀力量又好，畀一个空间佢哋去逃离一下又好。音乐好得意，歌帮人哋讲出佢哋嘅心声，有啲心声口讲唔出，或者冇对象同你讲，开心嘅系我哋可以代咁多人讲出佢哋心底嘅感觉。”
数到唱出乐迷心声的歌曲，就不得不提两年前推出的《银河修理员》，一句“祝你在乱流下平安”仿佛成为了大家之间的问候与祝福。阿Tim坦言当初做这首歌时，从没有想过对乐迷有如此大的影响力，“绝对冇，真系冇，做呢首歌嘅心态系冇。𠮶次系同Wyman第一次合作，我好记得，收到份歌词之后我觉得好劲。好简单咁样讲穿晒所有，教识一个人点样去爱，我觉得呢件事好宏伟。会谂我够唔够班去唱一个咁嘅message呢？我有一刻自己会咁样谂。”直到歌曲推出后，他才深深感受到当中的共鸣，“其实原来大家系咁...有时候喺咁多moment都会好渴呢种嘅message，呢种爱。系一首可以陪住自己、陪住身边嘅人，陪住大家嘅一首歌。”狂雨暴雪一起对抗，任岁月再坏不致心慌。
Hair：Jamie Lee@Hair
Make up：German Cheung
Wardrobe：Zegna, Lane Crawford
点撃睇更多专访照片：