虚拟情人｜曾志伟新抱王敏奕剧接剧不怕人眼红：其实我身份好卑微

王敏奕（Venus)和朱敏瀚（朱仔）今日（14/11）现身电视城出席无线新剧《虚拟情人》造型记者会。对于二人首次合作，朱仔表示：“虽然大家系第一次合作，但一同佢交流，佢大部分嘅话题都系讲演戏，相对近呢几年，其实我对演戏方面系越来越有浓厚嘅兴趣，变咗我系好期待开工嘅时候大家就可以再交流多啲。（同曾志伟新抱合作是否有压力？）咁又冇嘅，都系演戏啫。”

而身边Venus笑接说：“其实都系咁啦，唔好玩啦，唔好断我米路呀。（话晒你都系志伟新抱，会否特别得到其他人优待？）其实我身份好卑微，冇任何优待㗎。（你剧接剧，怕唔怕其他人眼红你？）我冇觉得自己特别多㖞，可能你好留意我啦，哈哈！不过讲真，我觉得我所演嘅角色都系好特别，而比较贴近自己嘅真个性，就系《法证V》嘅角色。如果你问我怕唔怕人哋有闲言闲语，呢方面我系控制唔到。但不过我系会用行动去证明俾大家睇。（是否向视后目标迈进？）其实呢个殊荣，有就梗系开心，但都要继续做好自己嘅嘢，而我个人就唔好谂咁多。”