恋讲嘢︱“MK”黄侥霖过做狐狸精？　爆曾孖正印上男友家打搅伯母

193（郭嘉骏）、浩南（郑伊琪）、郭奕芯和谭凯伦主持的ViuTV节目《晚吹 – 恋讲嘢》昨晚（9/11）一集请来《尾二一届口罩小姐选举》亚军“MK”黄侥霖（Suki）担任嘉宾。拥有一双“狐狸眼”的MK便在节目中讲述曾经被指是“狐狸精”，她讲起这段经历时便指自己两、三年前认识了一名男生，对方好快并展开追求，更出动揸车睇星绝招，所以之后也正式与对方拍拖，但从来未见过家长：“有上佢屋企，但都系夜晚佢屋企人瞓咗或者出街时。”因为不见得光，所以试过长时间忍尿：“试过一次朝早八号风球，佢屋企人突然唔使返工，我唯有忍，忍到佢屋企人出门口，我先出到去。”

MK又指男友之后向她坦言自己仍与前度有联络，因为拍拖时有养狗，所以间中都会一齐放狗：“我同佢讲，既然你同我认真发展，你可唔可以同佢断一断呀，佢话系挂住只狗，佢已经唔钟意个前度。（佢有同前度讲？）佢话有讲，话前度好大反应。”最后MK决定离开，但是男友极力挽留：“同佢一起嘅三、四个月，我走咗起码十次，因为我真系好辛苦，佢成日十五十六，唔知自己想点。”

之后，MK觉得男友前度有权知道这件事，所以主动联络对方：“讲电话一刻，我先知佢哋从来冇分过手，仲一齐紧。咁个女仔点解知道我嘅存在呢，当时我前度话有揾个女仔，搞到佢喊得好劲嘅，𠮶次原来系佢同个女仔讲，佢有一夜情，物件就系我，我突然变成咗佢一夜情物件，所以我俾人话系狐狸精。”最后怎样收科？她们知道真相后便结伴踩上男友家中：“谂住执嘢走，点知佢屋企人喺晒度，劲尴尬，一路讲‘打搅晒、打搅晒’，同埋佢一开门见到我哋就呆咗。”而她又指男友家中应该估到她是“一夜情物件”：“喺房里面类似纠缠紧嘅时候，佢阿妈入嚟同我哋讲‘你放过我个仔啦’，我哋听完呆咗，心谂‘系你个仔放过我哋两个就真’。”最后，伯母亦有落楼送她们上出租车：“佢个样好似好厌恶咁，觉得我哋搞咗佢哋个仔咁，感觉好差，明明我哋先系俾人Hurt𠮶个，仲要俾佢屋企人讲说话。”

点选下图观看MK精选IG靓相：