姜涛沉淀后暂缓29岁退休计划　难忘带家人去旅行：第一次倾咁多偈

姜涛伙拍《季前赛》导演袁剑伟，今日（4/11）现身由郑裕玲（Do姐）主持的电台节目“口水多过浪花”。他们详谈拍剧时的点滴和难处外，姜涛亦重提与家人欧游时的难忘回忆，他更兑现与Do姐的承诺，亲口向姜妈妈讲“I Love You”。至于曾扬言要尽早退休的姜涛，经过这段时间的沉淀后有了新想法。

自小热爱打篮球的姜涛坦言很向往拍摄《季前赛》，袁导亦根据每位演员的性格和技术来安排角色。袁导要求每一球、每一个入篮都要真做，姜涛坦言：“由朝早射到傍晚先有𠮶个Shot”。回想起选角时的情况，袁导指要演员打一场篮球，再观察他们的性格分配角色：“姜涛打波几自我”。姜涛续说：“简单啲讲，我比较独食。由细到大喺生活环境冇咩太多自信，惯咗会喺球场靠呢样嘢攞返自信。都同阿孝呢个角色前期有啲似，就系唔系好信人，可能信自己会好啲。”

Do姐以“争议性话题”带出姜涛在剧中初期身形比较圆润，及后又瘦了不少，有观众察觉到直言“唔连戏”，她说：“第一集颇肥，第二集又瘦啲”。姜涛笑言：“我衰食太多嘢，𠮶时冇谂太多，要打波就食多啲嘢补充下体力，但拍拍下去到中间唔系好对路。我由第一日开始唔系好敢睇playback，跟住觉得‘唔得啦，唔得啦’。到中间真系fit番，问题又出嚟啦，可能明明系同一间房嘅出入，呢间房入去系肥嘅，但𠮶头出嚟就瘦番，系有啲观众会觉。”Do姐追问磅数上的差距时，姜涛指：“差10kg”，Do姐非常惊讶，他再说：“但都好快，因为我知道‘死啦死啦’，之后就瘦番啦，后尾中间疫情停咗两、个礼拜，𠮶排冇得出去打波…”姜涛笑指减肥是“一生嘅课题”。袁导坦言没有要求演员有特定的身形和磅数：“我睇戏㗎嘛，点会睇呢啲嘢”，姜涛立即表示：“所以我好钟意佢…好彩后面瘦番好多，前面肥一排”。

他们亦透露张继聪和吕爵安（Edan）经常“爆肚”，姜涛更突然间说了一句“我唔要”成为了观众喜爱的口头禅，他说：“生活中有好多嘢都唔系好想要，花姐成日话我硬颈呀，我就会话‘我唔要’”，Do姐问：“你硬颈㗎咩？”他解释：“对于音乐上嘅嘢系好硬颈，唔会因为太多人哋嘅意见去改”，袁导认同：“做呢行系要有啲坚持”。袁导亦有安排演员上戏剧堂，姜涛回想起与葛绰瑶（Yoyo）的一幕戏，因有导师在场令紧张的他感到安心：“而家唔会称自己做演员，因为我觉得演员系要磨练好耐，我系一个学习嘅人，所以对于每一个镜头面前要做啲咩，始终会有少少紧张，拍𠮶下要迫自己有信心。”对于姜涛的演技，袁导评价他正在做“Age appropriate（适龄）嘅事”：“23岁嘅年纪，做到嘅嘢系咁样…（Do姐：有咩可以改善？）打开自己嘅感观多啲，某啲scene仲喺自己世界入面，打开多啲、接受对手嘅戏多啲就会好好多。”

讲完拍剧，Do姐就关心姜涛的近况：“呢几个月过成点？”他满足表示最开心是与家人去旅行，而欧洲亦是他亲自挑选并担当导游一带六：“最开心带屋企人去旅行，由出道到而家都冇想像过，第一次倾咁多偈。有一日突然之间见到屋企人身体冇咁好，都比较耐冇返屋企，同屋企人相处，尤其妈咪、舅父…有好多位都需要帮手，趁佢哋仲行到，好想带佢哋…入呢行都会好忙，好想趁呢段时间，仲行到嘅时候去多啲地方。”虽然过程辛苦，但他却表示好开心，更兑现与Do姐的承诺，亲口向姜妈妈讲“I Love You”：“喺欧洲酒店时候就讲咗，佢唔敢相信我会讲呢啲，佢话做咩事，系咪有其他嘢要讲。佢开头有啲惊，我话纯粹想讲，又谂起同你个承诺。”

他透露家人到达欧洲后一度感动落泪：“第一日阿妈同姨妈有喊，以前家境唔好冇咩去过外国，even去到其他地方旅行都唔敢洗费太多，今次觉得唔使烦恼呢啲，可能觉得我大个，可以带佢哋出去就好感动。”今次的旅行令他深深感受到家庭幸福：“以前冇咩著重，入行系为咗寻求舞台上嘅快乐，有时屋企嘅幸福系冇咩care，今次好明白，嚟紧每一年都希望可以同屋企人有咁嘅聚会。”

曾扬言希望29岁退休的姜涛，经过这段时间的沉淀后有了新想法，坦言30岁后想集中做演员：“歌手完成晒我想完成嘅嘢，可能30岁后就专心喺演戏道路发展。”他亦透露下年会推出第十一胎，并预告是全新系列的歌曲，相信姜糖们已经非常期待。

点撃睇《季前赛》剧照：