Jace陈凯咏半年冇出歌拟离开环球　P1X3L一脸愕然：有啲咁嘅事？

“华纳三宝”MC张天赋、洪嘉豪、陈蕾以及邓丽欣（Stephy），P1X3L今日（3/11）出席时装品牌宣传活动，吸引近百名粉丝到场支持。虽然P1X3L已有一段时间没有合体出席公开活动，但他们接受访问时表示私下经常见面。欧镇灏（George）亦明显消瘦不少，他透露是因为早前拍剧导致不断消瘦：“而家不断食返嘢增返肥，拍紧《那年盛夏我们绽放如花》，同Marf（邱彦筒）、Marco（叶振弘）拍。”

Marco最近在一个饮食广告中透露恨拍拖，当被问到感情状况时，队友吴启洋（Phoebus）和George连忘将咪递到Marco面前笑言：“呢个要讲！呢个要讲！”Marco坦言：“拍拖个个都想㗎啦，呢个世界大家都系寂寞㗎嘛，咁我都系呢个世界一分子，我都好想揾到个伴侣嘅”。

至于Marco的择偶条件，Phoebus大爆对方“好高㗎，好挑剔”，Marco解释：“好高，要米八咁高，最好高过我。（钟意姐姐？）唔系嘅，可以系好高嘅妹妹，讲笑啫。我觉得高系智慧要高，因为我比较转数快，要跟得上我Channel转数要快少少。”Phoebus笑言：“听你讲嘢真系好似听Sica（何洛瑶）讲嘢。”Marco呆了一会再说：“尴尬尴尬。”Phoebus补充：“因为呢个真系有机会，所以畀返啲空间。”

谈到师姐陈凯咏（Jace）已有半年没有出新歌，亦可能计划离开环球唱片。三子听到时先一脸愕然反问：“哗，有啲咁嘅事呀？”George说：“半年冇出歌？我哋都半年冇出歌呀，差唔多情况啫。”三子对望互笑后，Marco续指：“呢样答唔到你，要问返佢本人先知。”Phoebus表示：“我哋暂时都顺利嘅，因为我哋嚟紧有表演，嚟紧11月都出歌嘅。虽然隔上一首有少少耐，三月呀。（George：都半年啦，系咁㗎系咁㗎），可能佢（Jace）都会继续出嘅，系咁嘅意思呀吗？”George和Marco齐声说：“真系唔知㖞，会嘅会嘅，我觉得会嘅会嘅”，George再指：“我哋支持Jace嘅，支持佢继续默默地努力。（Marco：同我哋一样。）加油。”