张敬轩(轩仔)今日(31/10)现身铜锣湾出席活动。轩仔透露最近不分昼夜为贺岁电影《超神经械劫案》连日开工,而且亲身上阵拍打斗戏,大赞过足戏瘾:“其实呢套戏有好多爆破场面,而王菀之嘅角色系要俾人劈,我见到佢俾啲武打演员刀刀劈落佢度,讲真我系睇得好开心。其实呢套电影系几得意,因为当中有悬疑、搞笑加动作嘅元素溶合埋,变咗拍出嚟嘅效果系好正。(Jeffrey喺片场有冇撩你拗手瓜?)佢有撩杨天宇拗手瓜,但就冇撩我,可能佢知我有骨质疏松症,哈哈!”