下流上车族｜江美仪睇好林敏骢攞视帝：佢同曾志伟咁好朋友

江美仪（美仪姐)今日（31/10）现身葵涌进行广告拍摄。谈到她有份演出的无线剧集《下流上车族》收视高企广受好评，美仪姐直言喜出望外：“其实我哋系冇谂过会咁入屋，始终我哋唔系啲咩大片，谂住大片先会有人去关注。起初都只系谂呢套剧得20点左右，始终呢个时势有人睇已经好好，点知出到嚟又会咁高收视㖞，原来林敏聪咁入屋㖞，大家都知佢个样癫唔癫、蠢唔蠢咁，点知后尾佢入屋，真系估唔到反应咁好，嚟近十集先系戏肉。”

林敏聪被誉为剧中灵魂人物，有望争视帝。美仪姐表示：“讲真佢唔视帝都系最受欢迎啦，因为佢同曾志伟咁好朋友，使横手嘅嘢你哋明㗎啦，而且佢同啲话到事嘅人关系咁好，哈哈！咁呢样嘢都系讲笑。其实我哋从客观咁去睇，佢真系做得好好，因为好多人都冇见过佢咁正经，而且啲人见到佢喊就觉得佢好神级，我系觉得好唔公平，因为我都有喊，但唔见有人赞我，哈哈！”