下流上车族｜林敏骢口震式爆喊晒演技　分半钟引爆网友泪水

台庆剧《下流上车族》连环亲情戏令观众动容，继江美仪后昨晚一集轮到林敏骢派洋葱 1 分半钟引爆网友泪水，一TAKE过完成拍摄，更令在场幕后同事睇到喊大赞演技了得﹗
下流上车族｜江美仪眼湿湿慈母晒神级演技　帮郭柏妍打通泪穴

剧情讲到饰演车志明的林敏骢和老婆雯慧（江美仪饰）吵架，搬去老友细孝（邓智坚饰）家中暂住，顺道向哎吔阿妈毓霞（鲍起静饰）发动争夺公屋计划。志明深夜去到毓霞家中，发现她正在为自己安装神主牌并慨叹：“我自己个神位，我唔搞边个搞呀﹗我个仔依家连电话都唔听，个孙仲要跟埋阿妈姓，唔使旨意佢哋帮我安神主牌﹗”就在毓霞意志力最薄弱时，志明乘机嗌她“阿妈”讨好她并扮喊:“我阿妈走𠮶阵，我迟迟都唔帮佢安神主牌，我唔肯接受呢个现实，我同个天讲如果肯畀番个阿妈我，乜都得﹗但系事与愿违乜都冇发生......我万念俱灰谂住同阿妈走同一条路......”之后志明又谓全靠老婆一直给予支持，才渡过难关，成功氹掂毓霞落搭，鬼马的志明更将过程录音，并拿给老婆“邀功”。

不过原来志明在毓霞家的表现是“戏假情真”，与老婆重修旧好后的志明，在开车载老婆上班期间突然锡了老婆一啖并真情剖白：“多谢老婆，你系我嘅天使﹗”接着更泪崩说：“我同老小三（毓霞）讲嘅嘢全部都系真，𠮶时阿妈走咗，喺我最 Down 嘅时候有你出现，畀咗啲希望我，仲畀埋头家我......”心疼老公的雯慧即锡番志明并作出安慰：“我要多谢你就真，你肯揾我做你老婆。”此时喊到口都震埋的志明再说：“系我累你冇咗层楼，仲要返嚟旧屋做工人......”画面十级催泪。“车家两公婆”骢哥、美仪姐合力晒演技派洋葱，加 上剧组有心思的剧情铺排，在短短1分半钟的场口，成功引爆网友泪水，留言大赞:“痴线一秒入戏”、“平时硬硬净净，一秒变番细路”、“上一场扮嘢嗌阿妈，下一场喊到口震，完全两种戏，真系好劲。”骢哥主动要求加喊戏，连工作人员都话感动。

骢哥受访时透露当日一Take 过完成拍摄：“事前讲好晒要点拍，试𠮶时系冇喊出嚟嘅，到真系 Roll 机就喊咗出嚟，拍完呢场戏见到啲化妆、服装同事企晒出嚟，佢哋话感动到喊。初初拍完呢场以为已经好劲啦，但相比后面𠮶啲戏只系小儿科﹗”美仪姐亦指幕后同事睇到喊，她又指因为这场戏得悉骢哥是性情中人：“𠮶场戏系开工第二日就拍，亦都系佢第一场喊戏，同埋呢场系佢自己话要喊嘅，我都畀佢感动到﹗”提到该场她锡了骢哥一啖，美仪姐笑言：“剧本冇写嘅，都系随住个心同埋感觉做出嚟。”