亚视旧将另类加入TVB　杨正军斥资200万做船主：人生未试过咁穷

杨正军曾经效力亚视ATV多年，其后ATV“熄机”回复自由身后就转职为潜水摄影，以及从事潜水教练的工作。近年他与朋友投资100万购买一旧船，再花一百万改装成为一只潜水专用的船只。

近日TVB潜水节目《潜．规则》原来邀请了他做摄影及制作等工作，他接受《香港01》时直言是在机缘巧合下合作。他表示，以前艺人身份掌镜拍摄潜水节目，过往艺人演出经验也帮助不少。他说：“因为我大概知道观众想要咩嘢，或者系成个节目点样会好睇啲，加埋系水底摄影，会知道水底出镜对艺人有咩困难，反而我做水底摄影知道佢哋有咩做到，有咩做唔到。”

水底摄影收入怎样？他面有难色，说：“好唔好揾，就...听落去好似系几好，但系我会话系一个唔揾钱嘅职业。器材太贵啦，浸海水又特别易坏。我觉得做水底摄影都还好，但系最大经济支出系做潜水船，简直系无底深潭，人生未试过咁穷。由我做艺人开始，我都觉得自己还好，过得去，但系搞咗船之后，觉得自己长期都频临喺破产边缘。”

他续说，花了100万买中式游艇，之后又再花100万改装，加添适合潜水时的装置。他说：“例如发电机，原来船嘅发电机只可以support畀船上电子用品，就唔support潜水叉气机等，所以要换发电机，原来啲櫈只系俾人坐，但系潜水要揹樽，架船要做啲樽位，所以成架船又要重新做过。”

他表示，现时公司一个月约有6位数，十多万收入，但仍是长期于入不敷支的状态。他说：“每月最少10万蚊，冇呢个数都维唔到皮，但系我哋只系做咗几个月生意，而啲钱系要坦开12个月计。”他表示，虽然旺季会不错，但是淡季冬天生意却会十分惨淡。他说：“一年只系做到4，5个月生意，赚完系要分开12个月用。潜水只系一个好好嘅兴趣嚟！”他直言，一到冬天就会很少人潜水，只能靠微薄的专业潜水班维持。