李佳芯否认系“圈中小富婆” 首次收首付计划做业主：差唔多时机
撰文： 陈芷颖
出版：更新：
李佳芯（Ali）今日（22/10）现身地产商宣传活动，更获客户送赠20万的首付，Ali开心表示：“一直认为首付要好辛苦储，从来冇谂过有人送。”活动后，Ali接受《香港01》访问时说是第一次收到别人送赠的首付，她亦有计划做业主：“一直都想实行嘅事，之前会谂香港，因为个base喺香港，而家都系香港为主，始终事业同屋企都喺香港。近呢两年多咗考虑海外，觉得冇冲突嘅，只要afford得到，我主要用嚟投资，有投资价值，有回报时，就可以多方面分散投资。”
活动间，主持称呼Ali为“圈中小富婆”，她谦虚否认：“唔可以讲投资小富婆，因为我都系好保守稳健，因为我觉得揾钱好辛苦。以前嘅我会储埋好多钱，如果有个罐我会摆床下底啲人嚟嘅。但而家通胀，就发觉一定要投资，都会用一啲保守，回报好稳阵嘅投资，所以买楼一直系我首选。”Ali表示暂未有物业在手：“但我觉得差唔多系时机。”
Ali早前自编自导自演的慈善短片《伴》获得不少网民的赞赏，她说影片对自己来说很有意义，过程中亦学了很多：“当初冇谂过咁多岗位喺身，都系无心插柳，我觉得学咗好多嘢，我都想做更加多...由倾到拍，再到出街都一年时间，始终唔系商业，唔会要赶出街，慢慢做，适逢9月系脑退化月，就不如一次过出街啦。”
谈到工作动向，Ali透露有可能1月会拍剧：“好初步倾，未有实质详情。”郑裕玲（Do姐）日前宣布离开效力多年的TVB并会作新发展，问到Ali会否想迎接新挑战，她表示
：“每个艺人都会希望畀少少新鲜感，新嘅冲击自己去refresh一下，我谂呢个都系普遍想做嘅嘢嚟。”她透露现时想挑战舞台剧和电影：“都系少接触同未接触过嘅范畴，都会想知道，相信系另一个世界同另一样嘢嚟。”
点击睇更多Ali靓相：
+9