野人老师．专访︱沈殷怡随时转行做律师？ “有畀自己一个目标”
沈殷怡（Shirley）在ViuTV原创剧《野人老师》饰演MIRROR成员Stanley（邱士缙）前妻何满儿，第一集便已经有两人签字离婚的场面，不少人都大赞她喊戏令人动容，而之后怒掴Stanley的戏份亦骚出突飞猛进的演技，让观众刮目相看。现年28岁的Shirley，未结婚，未生小朋友，入行亦只有短短四年，所以要她揣摩出单亲妈妈角色的情感，确实不容易，她接受《香港01》专访时说：“第一次做人阿妈、做人老婆，第一次剪个咁短嘅头，第一次离婚，系好难嘅，仲要系女强人性格，所以真系要揾身边嘅妈妈，以至系自己嘅妈妈请教，了解佢哋嘅生活重心同心理变化系乜，佢哋都话，有咗小朋友之后，个世界就系围住自己个仔、自己个女转，再未必系老公。”谈到戏中前夫Stanley出名演技好，Shirley坦言合作经过都好正：“个气氛好容易畀佢带动到，On cam，佢系一个好专业嘅演员，令到你好快进入到个角色；Off cam，佢又好幽默好搞笑好活泼，都可以调节到化气氛，因为本身我同佢嘅戏都相对上沉重。”
野人老师｜沈殷怡当场爆Seed怒掴前夫Stanley 网民赞演技有进步
曾经有不少演员讲过与小朋友和动物演戏难度极大，每次合作都要花尽心力，可是Shirley却没有这种感觉：“我反而系好开心，因为轩轩（陈浩轩）已经系10岁，唔算好细个，佢系一个好聪明嘅小朋友，导演一讲就明，佢亦做足功课，Off cam都好窝心，佢发现咗好钟意玩《动物森友会》，佢每日都会带游戏机嚟同我玩，‘妈妈你今日同唔同我玩呀’，好Cute，就系小朋友想你关注佢，或者同佢玩《Mario Kart》，会特别斗唔赢佢等佢开心，好似变咗妈妈嘅谂法咁。有一日系母亲节，佢准备咗张‘Happy Mother’s Day’嘅卡畀我，估唔到我第一张母亲节卡唔系嚟自我亲生仔女，夜晚仲DM我话‘母亲节快乐，辛苦晒你喇’，哗，真系搞唔掂！”几时真的去生个小朋友？她说：“我个规划系30岁前事业打拼，之后先谂拍拖、结婚。（你两年后就30岁。）你畀压力我呀？咁呢两年都可以发生好多事嘅！”
点击下图观看相关图片：
谈到Shirley入行前曾经担任补习老师，她在戏中亦是一名补习天后，她坦言亲身经历对演戏有帮助。问以前有否考虑继续在补习界发展？她坦言：“有，当时都有谂过读完书继续教英文，但同时都知道补习系好高压嘅工作，虽然我系做实习，但都识好多天王、天后，佢哋一日廿四小时，有十几个钟都系准备笔记、教书，瞓得几个钟，又要贴题，系好难㗎，所以最后都系咁样打退堂鼓，如果我贴唔中题目就会辜负万千学生㖞！”
Shirley名校出身，中学读圣保罗男女中学，大学读上海复旦大学法律系，绝对是传统教育下的精英，但讲到《野人老师》中的自然教育、自主教育，她亦有一种向往：“如果我有小朋友，我都想畀佢接触下自主式学习，我觉得比起我个年代，而家用电子产品嘅情况系比较严重，机不离手，会对自主学习失去兴趣，如果唔系自主学习学番嚟嘅嘢，相对记忆得冇咁好，同埋放佢去自然环境学习，对建立价值观系好重要，到时候先帮佢补习，等佢衔接番传统教育。畀佢玩下先，填鸭式教育剥削咗好多小朋友开心时光。”
不时有艺人会转行发展，好像朱千雪便摇身一变成为一名大状，法律系毕业的Shirley本身亦去过律师楼实习，问会否之后转事业轨道？她坦言：“我真系唔知，可能㗎，未来太多嘢都讲唔埋，可能我有一日觉得自己喺呢行差唔多，可能真系会返去，我有畀自己一个目标，就系30岁之前喺呢行做咗咩嘢，满唔满意过去几年嘅表现，实际啲就系支唔支持到自己嘅生活，如果我满意但Afford唔到自己生活，都真系冇办法，只可以揾其他嘅路。（你生活得好困难？你好大使咩？你屋企都番咁上下㖞！）咁爸爸妈妈都辛苦咁多年，做女都畀佢哋生活得更加好嘅！”
Outfit: MARELLA @marellahk @marella_official