美丽战场｜传陈滢同刘佩玥“为仔”反面 疑因拍剧再续姊妹情

陈滢与刘佩玥向来好姊妹关系，经常孖住一齐玩，不过有传两年前二人“为仔”传出不和，二人变成老死不相往来，硬生生将《美丽战场》的剧情搬上现实生活！

拍〈美丽战场》令关系破冰

而今次能够见到二人同台，只因拍摄《美丽战场》令二人关系破冰成功。今天（18日）陈滢孖好姊妹刘佩玥出席剧集《美丽战场》的宣传活动。提到“为仔”闹不和，刘佩玥即燥底表示：“讲到口都臭，答完之后都好似冇听过咁，一路继续讲。（系咪好嬲？）唔嬲呀，系觉得好无谓啊，而家答嚟都觉得唔需要再答，如果大家觉得系不和咪不和啰，最紧要你哋开心啦。”刘佩玥又再愤愤不平地说：“我唔觉得好朋友好姊妹会因为仔去闹交，然后无端端拍一部剧就好返呢？咁我又觉得好有保留啦。”

陈滢：唔系影相po上IG先叫好姊妹

至于点解会有二人因“争仔”不和的新闻传出，刘佩玥就有一番见解：“男仔同女仔可以传绯闻感情嘅嘢，咁两个女仔人哋觉得你咁好有啲咩可以传？我哋两个觉得唔需要讨论，唔需要澄清咁咪由佢啰。”陈滢认为有段期间工作较忙碌未能每天见面：“咁我哋做呢行拍剧就系咁，我之前拍痞子殿下同日日见到佢哋，我哋呢排冇见系咪代表我哋又不和啊！”陈滢更叫大家唔好谂到咁敏感，唔一定要每次都影相po上IG先叫好姊妹啊。

陈滢力劝刘佩玥远离花心男

而翻查资料，当年陈滢、刘佩玥、何雁诗三个是好姊妹，三人更曾一同去旅行friend到爆，不过当刘佩玥与沟女王周志文拍拖后，有传陈滢当时力劝刘佩玥远离周志文，但刘佩玥反而越难越爱，更同到周志文公屋同居，亦因此与陈滢关系越走越远，发展与《美丽战场》剧情有部份相似，不过近年周志文都修心养性，与刘佩玥感情虽没有公开但发展稳定。