下流上车族｜郭柏妍失声靠林敏骢打救　林颖彤相隔20与鲍姐合作

撰文： 洪晓璇
出版：更新：
郭柏妍好开心终于有机会学踩滑板，日练夜练，希望将勤补拙。

TVB台庆剧《下流上车族》由林敏骢、江美仪、鲍起静、郭柏妍、罗毓仪等主演，郭柏妍（Rosita）、罗毓仪（Yuki）两位小花饰演林敏骢及江美仪的女儿。Rosita饰演的家姐车芊芊，经常踩滑板送外卖 赚钱 为了配合角色， Rosita事前更专诚上堂学踩滑板 ：“以前已经心思思想学。学 𠮶排每日放咗工就走去练，希望将勤补拙。” Rosita又谓与骢哥、 美仪姐及鲍姐私下相处也很像一家人：“ 有次我失咗声好担心影响进度，佢哋好好系咁安慰我，骢哥畀咗啲润喉膏我食，美仪姐就推介咗啲中药，食完之后真系好番冇事。”

郭柏妍难忘失声时靠骢哥打救。

Yuki饰演的细妹车蔓蔓则备受母亲溺爱 ，由细到大咩都唔使做，搞到生活不能自理常常爆出令人意想不到的笑料 。 Yuki受访时大赞骢哥和美仪姐照顾后辈， 其中一场喊戏Yuki更靠着美仪姐的“爱心鸡翼 ” 引爆泪水， 相当神奇：“美仪姐煮嘢食好叻，有次开厂佢整咗卤水鸡翼畀我哋食， 为咗喊得出我就食 咗 4只 因为喊戏用好多 Energy ，全部人食完 之后即刻喊到一 Take收货！”

罗毓仪虽然系饰演妹妹，但其实佢真实年龄大过郭柏妍，果然童颜。
罗毓仪话齐齐食鸡翼，食饱先有力，喊都喊得特别大力。

做开乖乖女及惨情角色的Bella，则一改固有形象饰演贪小便宜兼凡事算到尽的港女王亦诗。Bella受访时笑言被剧中计数场口考起：“有啲戏要表现到计数好叻咁，而我嘅数学系劲差，背对白时要花啲工夫。”童星出身的 Bella透露9岁时第一次拍剧正是与鲍姐与美仪姐合作， 并谓相隔 20年再合作感到很亲切：“好细个已经认识鲍姐，好似见番一个好熟悉嘅长辈咁，美仪姐就同我一样都系食素， 佢成日会分享素食畀我，觉得好温暖。”

林颖彤今次唔做惨情角色，转做巴渣港女。
童星出身的Bella林颖彤，9岁时第一次拍剧原来正是与鲍姐与江美仪合作。