倪晨曦准备生第2胎饮椰子水清胎毒：对BB皮肤好

倪晨曦（Elva）今日（14/）陀B现身中环出席著名品牌活动。提到即将进入预产期大直路入院产子，Elva心情兴奋说：“最后一个月，冲刺阶段，要好好准备自己嘅心理状态，系因为我再生第二个BB出嚟，我谂之后我嘅人生都会改变咗，人生好不一样。（有冇执定“走佬袋”准备入院？）咁又冇㖞，因为有咗上次生第一胎嘅经验之后，今次就冇咁紧张，个人系轻松啲嘅。而今次如果我系顺产嘅话，我老公系可以陪我，而佢亦都好乐意陪住我。（有冇食西瓜清胎毒？）西瓜就我未食嘅，系因为我觉得而家系秋天，本身呢个季节系唔啱食西瓜，但我就有饮椰子水，听人讲系可以清凉嘅，同埋对BB皮肤好嘅，其实得唔得，都系身边朋友嘅朋友传出嚟嘅，咁所以我就有饮椰子水。”