下流上车族｜林敏骢拍喊戏要求一次过 江美仪惊喜：佢要求好高

林敏骢和江美仪今日(14/10)现身将军澳出席无线新剧《下流上车族》宣传造势活动。提到早前无线释出宣传预告片中，林敏骢收起平时无厘头本色，将车志明角色演活，并在镜头前爆喊，语重心长地道出港人上车悲歌：“间屋企几细唔系问题，最紧要一家人喺埋一齐！”阿骢爆喊晒演技，要由剧中老婆江美仪揽揽安慰。

林敏骢笑言：“咁剧情系需要系咁，我哋身为演员我哋系好专业嘅，做唔到就话啫，做到都唔做系会罚钱。哈哈！”身边美仪就大赞阿聪为人其实做事很认真：“佢系要求好高嘅人嚟，有句说话佢成日都会讲：‘一做就要认真去做、如果求其就唔好去做’，变咗我同佢都几夹，因为我都系一个好紧张又认真嘅人嚟，大家喺合作上系好流畅。”

林敏骢接著认真说：“其实我喺剧里面系有好多场嘅喊戏，每次拍亲都一Take过，因为我会同导演讲，我只系喊一次，唔好要我再喊多次。始终拍喊戏，如果喊得多，个感觉会好唔同，始终都会有偏差。咁所以事前我会同佢沟通得清清楚楚我会点做，然之后就埋位去拍。（拍喊戏当时谂紧啲乜？）其实剧本好，自然就会带到去𠮶个情绪。如果个剧本唔好，我就会掉咗佢，唯有我哋自己写过啰。”

林敏聪续说：“我好记得最收尾有场写我同美仪和好如初，喺拍之前一日导演同我讲剧本咁写唔得，呢铺死喇，我就话等我拍完之后大家再慢慢谂。然之后我同美仪同导演坐低谂，我哋一路讲，佢一路写。而我一路讲，我就一直都喺度喊。到𠮶日埋位拍，我仲同大家开赌，估我可唔可以一Take过，点知𠮶日真系一Take过完成。”