港女野人｜围埋唔讲是非　何泳芍被爆想拍AV：作为演员应该要试

同系港姐出身嘅何泳芍(Honey)、陈若思(Amber)、廖慧仪(Jessica)及胡美贻(Nicole)组队拍摄《港女野人》，或者系因为对行山拍摄有所误解，导致胡美贻第一日开工就自备威士忌、Parma ham，犹如开party；而Amber就因为平时行山都唔化妆，所以素颜到场，激到监制血压飙高，问出一句“系咪唔想做节目?”

以行山为主题的木土节目近年有不少，要性感的有《美女郊游游》、要靓女嘅可《山系女行Yama Girl》，要资讯性嘅有《山步‧行》。《港女野人》集大成于一身，胡美贻一心以为拍 luxury版本《三日两夜》，又酒又靓衫，结果拍完第一次火速到行山用品店扫货。“真系辛苦过拍剧，因为拍剧每场都可以少少休息，但今次系要不停讲嘢、比反应，整个人好绷紧。不过都好多谢公司畀咁多资源我哋，同埋呢个节目系会令人成长之余，亦可以令观众见到我哋真实一面。”

入行4年，胡美贻直言“隐形千金”、“元组咪神”等称号如同包袱，同时令观众对她有误解。“识我嘅人都知我系好麻甩，有时我唔出声大家会以为我系好静嘅女仔、玻璃制造咁，但大家睇完呢个节目就会知我唔系咁，甚至我哋几个都唔系。”

首次与Amber、廖慧仪等人合作，Honey回想收到合作名单时，完全是“黑人问号”，之后便开心担心会否有人碌落山……“后来发现原来Amber体能几好，意志力好强，有时把口嗌辛苦，但都会继续做。但佢最过分系喺营入面食嘢，呢个真系大忌，因为好易引蛇虫鼠蚁。同埋我每次拧转头佢都系摆紧嘢食入面。”与Amber同届参选嘅廖慧仪，因旧爱堕楼身亡一事令她的演艺事业几乎未开始已经结束，停工期间，她在中环租studio教授瑜伽，外间均以为她在另觅出路。“好感恩公司畀时间我去沉淀，始终一件大事发生，自己都需要时间去反省同沉淀，同埋公司畀机会我番嚟，系好多谢佢哋有呢个决定。我可以比大家迟少少起步，而家先正式拍第一个节目，但都已经好感恩。”廖慧仪表示一直有教班，机缘巧合租用了现在的studio，但她强调演艺事业依然是头位，尽量与学生协调，将所有课程排在周末进行。提到爱情，廖慧仪表示如今并不强求，希望趁年轻先冲事业。

首次拍节目，上山又下海、摄影机24小时不停拍，冇run down、冇备稿，廖慧仪认为是个很好的磨练，但亦曾因辛苦到返屋企喊；而Amber亦试过喺沙滩执完垃圾后，再玩独木舟，收工有发烧嘅感觉，但讲到最“kam”之最，她首选是在白沙洲执垃圾。“我本身唔怕蛇虫鼠蚁亦唔怕污糟，但𠮶啲垃圾系有蛆虫爬出嚟。”Honey补充表示:“最辛苦系执完垃圾之后，要运啲垃圾去平地，我哋几个好似传波咁一袋袋传，最后我系有讲到粗口，啲蛆虫爬咗入我只手套，而我仲要比摄影师影。”

虽说三个女人一个墟，但众人一致认为只要有胡美贻在场，就有十个墟的效觉，Honey说：“我哋围埋反而冇咩点讲是非，因为共同朋友唔多，反应试过拍完倾倾下变倾通宵，都系倾下工作上有咩难处，又或者之后想拍啲咩。”Amber插咀表示:“佢话唔介意拍AV。”Honey直认，解释指如果是好艺术片，作为专业演员理应尝试。“因为只系一个角色，同埋我喺演艺方面嘅热情都几大。”