郑伊健回忆拍古装剧唔肯黐头套　被前辈教训：头套黐到马骝咁

由新晋导演应智赟首次自编自导，郑伊健、周家怡率领李靖筠、陈海宁（Dee姐）、钟雪莹、云浩影（Cloud）、黄淑蔓（Feanna）等演出的《深宵闪避球》在上周首映，伊健日前接受郑裕玲（Do姐）主持的电台节目《口水多过浪花》访问时，大谈拍摄趣事，今次同一众年青演员合作，身为前辈的他完全冇架子：“而家好多时大家都讲到就系上一代同新一代沟通唔到，我觉得呢个好大嘅挑战，但系难得佢揾你帮手㖞，首先呢步已经系成功咗一半喇，然之后你入去原来有咁多新嘅人，咁你要谂吓点样令大家打成一团，因为个故仔就系需要呢样嘢，我哋唔可以用一啲‘我教你呀’，千祈唔好讲呢个字，应该‘大家试吓做一件事呀不如’。我觉得好好玩㗎，如果沟通得到，大家有个信任，跟住我哋就可以沟通得愈嚟愈好喇。”

伊健直言现时导演与演员之间的合作模式与当年相比很不同，他亦十分愿意听导演的意见：“你代表𠮶个年代咋嘛，唔代表而家要嘅嘢，其实每个年代要嘅嘢唔一样，我好想知道你哋想要乜嘢。”他更笑言自己从不会因为惊前辈教训而随波逐流：“我入行嘅时候，‘系啰，点解一定要系跟你嘅呢？点解一定要系咁样就系啱嘅呢？’（但后尾你都跟咗㗎，系咪呀？）我冇！（你咁反叛㗎？你真系古惑仔㖞！讲唔讲得㗎？唔好开名呀，我好想知呀！）”

曾是TVB当家小生的郑伊健，参演过不少剧集，当中亦不乏古装剧，但原来他当年曾提出异议：“譬如以前喺电视台拍古装，要黐头套㗎嘛，𠮶啲人就将你黐到有咁高得咁高，你知唔知黐得多会光头㗎，咁我就有咁低黐咁低啰。跟住个前辈走埋嚟，‘你过嚟，你系主角嚟㗎，妆你又唔化，头套又黐到马骝咁，你改吓啦！你啲机会咩咩咩’佢有闹嘅，跟住我就坐埋一边就谂啰。（你觉得有冇道理呢佢讲得？）系有啲道理嘅，但系因为我之前有争取过，我话‘点解古装一定要戴头套呢？点解唔可以用自己嘅头发呢？真实啲呢？’啲人就觉得……即系当你耳边风。‘点解啲厂景一定要系厂景呢？可唔可以外景呢？’譬如我做儿童节目都试过去临记室睇剧本，够静呀嘛，都被人剥㖞。（点解呢？）‘你去临记室睇剧本，你不如去做临记啦’，睇剧本就要做临记㗎喇？我觉得点解会咁嘅？我唔系好钟意呢啲嘢，所以我一定唔会做呢啲嘢。”所以伊健绝不会摆前辈的架子，而是同年青一辈打成一片！