美丽战场｜蒋家晏演反派奸到出汁网民睇到激心：好彩冇收死亡恐吓

由叶念琛担任监制、导演和编剧的无线（TVB）台庆剧《美丽战场》首播至今好评不断，再次掀起一股追剧潮。剧中蒋家旻饰演的大反派角色“钟家琪”丧尽天良奸到出汁，令网民睇到眼火爆，纷纷在网上留言闹爆：“人渣”、“好憎你”等。今日（8/10）大奸角“琪琪”蒋家旻现身新城电台为《美丽战场》宣传造势。

蒋家旻表示：“其实入行以来我都冇谂过一定要做反派角色，但我系知道反派嘅讨论度系好高，同埋个讨论又会大啲。今次我同导演系冇谂过咁快就有咁高嘅讨论，播到第二三集已经系疯狂洗版式去报道。早两日我返公司见到保安姐姐，佢第一时间好激动咁指住我：‘你……你……呀’，我就问佢你系咪睇到好激气？佢就话真系睇到好激气，仲赞我做得好，所以我真系开心。（网民留言劲闹你，有冇收死亡恐吓？）哈哈，好彩冇收到死亡恐吓。佢哋都系留言话好憎我，同埋话睇到想打爆部电视机。”