男友家族被入禀申请破产　JW回应被网民嘲泊错岸：我又唔系一架船

JW王灏儿今日（8/10）现身荃湾出席活动。对于早前有指其富贵男友“前卓悦太子爷”叶韦彤及其父母，被一间财资管理服务公司入禀高等法院提出破产呈请，案件将排期今年11月8日提讯。JW就事件表示：“首先好多谢大家嘅关心，始终呢啲都系佢同佢嘅屋企人嘅事，变咗我唔方便由我把口去再回应。（网民嘲你嫁入豪门梦破？）哈哈，我都有睇呢啲新闻，啲人话我你泊错岸。首先我想讲我又唔系一架船，我都唔系要谂住泊岸，佢哋讲乜我系唔在意。最重要系我同佢系咁多年嚟都系互相支持，我同佢系讲心唔讲金嘅。”

“卓悦控股”之前曾发声明澄清，指叶氏家族3人的案件与集团无关，勿以‘卓悦太子爷’等字眼容形叶氏家族成员，以免造成公众误会。声明中又指现时最大股东及董事会主席为陈健文，创办人叶俊亨夫妇已在两年前出售股份，叶俊亨夫妇亦在去年的股东特别大会上，因与集团利益出现重大冲突，被罢免职务。