中年好声音｜屯公“阿伯杀手”娜娜现身无线面试　被人闹：大妈

无线新选秀节目《中年好声音》今日（4/10）于将军澳电视城进行面试，有过百人参加。其中一个女参赛者外形非常独特，头上梳有双平髻及一头桃粉色发型，再加红色鱼网吊衫加红色短裙，若隐若现露出胸腹纹身，成功吸引全场目光。原来她是曾风靡一时屯门公园，现年36岁有“阿伯杀手”之称的“娜娜”（董幸儿）。她见评审时，拣选《劲舞dancing queen》歌曲进行面试。表演期间，她用半咸半淡广东话加扭腰唱歌，但表演不到一钟分钟便被评审叮走。

事后“娜娜”接受《香港01》访问时说：“觉得头先表现唔好，系好紧张，因为现场有好多人，加上啲人唱歌又咁劲。（你以往喺公园酒楼都唱开歌，好有经验应该唔会怯场！）我唱𠮶啲都系玩吓。而我点解会有勇气嚟参加，因为网上有人话我会嚟参加，变咗开始有人不断咁闹我，闹我似‘大妈’，又闹我样衰，又不停话我侮辱我，于是我就特登出嚟参加呢个比赛反击佢哋。（你觉得自己似唔似大妈？）其实我都唔知咩年龄层先系大妈，始终咁样俾人咁叫系觉得好老，仲有佢哋话我样衰，我都唔知自己有几样衰。（你觉得自己靓唔靓？）起码我觉得自己正常啰。（现在有否在公园及酒楼唱歌？）冇啦，有时做下兼职直播。（有否影响收入？）其实之前我去公园唱歌，都系姑姐叫我去，我都唔知搞到咁大件事。以后都唔会再去𠮶度唱歌。”