陈豪陈茵媺相隔十年再合体拍剧 三子女反对：返嚟我要见你喺厨房

陈豪（Mo）和陈茵媺（Aimee）夫妻档今日（30/9）现身电视城出席无线新剧《罗密欧与祝英台》拜神仪式。提到二人相隔10年再次合体拍剧，Aimee直言很不习惯：“因为呢套戏我系要做两个角色，要扮男仔又要扮女仔，咁所以系需要时间去习惯，加上要对住阿Mo我系觉得好难，始终现实中佢系我老公，咁所以我系担心咗好耐，唔知对住佢点样去做戏，一路演嘅时候都好紧张。”

而身边阿Mo接著笑说：“其实我都担心，不过我系冇讲俾佢知，自己都唔知点样去演。因为我同佢系真诚咁相处，大家系冇秘密嘅。变咗我哋系需要时间去适应，借咗个角色造型，及剧情去带动，令到大家慢慢投入去呢个角色度。（两公婆一齐拍剧，剧组会否优待开工时间？）其实佢哋都会以拍摄进度行先，但我好相信佢哋都会好就我哋两个。就好似之前阿囡中咗招，以及阿仔唔舒服，我哋两个当时都开紧工，剧组佢哋好好即刻放人，等我哋去处理好先，然后先再返嚟再拍，咁所以我哋系好感激佢哋。”

此外，Aimee透露三名子反对她复出拍戏：“佢哋系好唔钟意，佢哋仲同Daddy讲你出去做嘢，妈咪要留番喺屋企。而二仔仲话：‘妈咪我返嚟嘅时候，我要见到你喺厨房’。”阿Mo就笑言：“佢真系好传统，遗传咗我嘅传统，完全拥有传统男人嘅传统思想，哈哈！”