香港小姐2022｜林钰洧爆父母相识经过：我对爸爸呢个角色冇好奇心

林钰洧（Denise）当选2022年香港小姐冠军，最多人感兴趣的是她的家庭背景，因为她的爸爸正正是80年代的靓仔小生林俊贤。在不少访谈中，林钰洧也提及过自己与爸爸林俊贤并不亲密。今日（29/09）林钰洧出席活动时接受《香港01》访问，谈及了以前和现时与爸爸林俊贤的关系。

她说：“佢有打电话恭喜我，同无线新闻台嘅访问佢都由头录到尾，赞我讲嘢有条理咗，有文有路。我好开心，因为佢有赞我。”她直说，现时与爸爸林俊贤的关系正常，不过因为他们分隔异地，所以较少见面。她说：“佢喺内地杭州、惠州长住，都系我去开旅行，经过𠮶个城市，先会约佢食餐饭。我上年都系喺杭州见佢。”她续说，平时较少与爸爸倾电话，说：“同妈妈倾多啲，始终我系跟佢住，同埋女仔同女仔倾多啲事，同爸爸倾都系update吓近况。”

当选那一晚父母不在身边，会否感到有缺失？她回答：“争啲嘢呀？咁当然我会想爸爸妈妈喺身边，但系由细到大都惯咗好独立，都惯咗自己照顾自己，我都好幸运身边有好多好锡我嘅朋友，由细到大都帮我煮埋饭，邀请我去佢哋屋企住，亦都识到好多贵人，佢哋对我嘅关怀，系同爸爸妈妈个level有得fight。”

她透露，其实一岁半左右爸爸就离开了，自小基本上没有对爸爸的印象。她说：“一岁半，所以基本上系冇记忆，唔知道有爸爸呢样嘢存在，妈妈将我照顾得好好，所以我都唔觉得缺乏咗啲乜嘢。”她续说，自小缺少了爸爸，小学时也曾被同学欺凌过，说：“系有嘅，欺凌事件呀，啲小学嘢，但系我都冇乜所谓，因为我性格系好乐观，好佛系，过咗去就算。”

有没有幻想过爸爸是怎样的？她回答：“真系冇，因为唔需要，我同妈咪关系咁，有好多嘢要处理，细个要周围走，要读书，大个又要做嘢，所以都冇时间谂温情𠮶啲嘢。”有没有问妈妈为什么没有爸爸？她回答：“冇呀，我对爸爸呢个角色冇好奇心，唔知点解。”她表示，大个十几岁的时候，妈妈就将和爸爸的相识经过与林钰洧坦白。她说：“讲返点样相遇，一齐住𠮶啲，我都唔系好想听啦，哈哈。自从我认识返爸爸呢个人就讲返我知。妈妈系以前帮爸爸化妆然后认识，跟住我爸爸就追妈妈。妈妈话： ‘我都唔系好想佢追。’跟住佢哋最后就分开咗，都系佢哋嘅事，唔关我事。”

林俊贤与中英混血儿前妻于英国秘婚，之后诞下女儿林钰洧。在一篇访问中，林俊贤也提及自己在林钰洧一岁半就时候与前妻离婚，之后女儿7岁半的时候见过一次面，而再见到到面的时候已是林钰洧15岁的时候。最后父女两人就失去了联络将近十年，幸好最后经由Facebook寻得女儿。他说：“朋友知我一直好想揾番个女，就叫我喺Facebook试吓揾，又真系畀佢揾到同名同姓个样又似似哋，于是朋友send讯息问佢识唔识林俊贤，佢话识，再过一轮我先现身同佢倾返偈。”父女相认后，林俊贤表示百般滋味在心头，不过女儿的反应并不大，也会问他为什么当年离开他们。

点击睇60岁林俊贤近照以及以前的靓相：

她十分坦白的说：“我个人好佛系，你哋上一代啲嘢唔好搞到我就得啦。”自小父母离异，她直言长大后才发觉原来对自己的感情观都有影响，她说：“大个咗就发现有影响，所以点解我想成立一个帮助单亲家庭嘅机构。细个都唔知原来对自己性格有影响，social skill系差啲，或者唔系好识同男仔沟通，所以之后就要睇好多心理书，心灵鸡汤书。揾男朋友都会小心啲，会好拣择，不过嚟紧都唔会谂啦，想专注自己嘅未来多啲。”

点击睇 2022年香港小姐冠军 林钰洧靓相：