美丽战场｜演反派做绿茶婊认好过瘾 关嘉敏萤幕初吻俾咗丁子朗

艺人关嘉敏（Carman）今（21日）出席网台节目《围炉讲故》录影。原来自认有少许灵异体质的她，曾发生过多次奇怪经历，让她印象深刻。另外，其有份出演的台庆剧《美丽战场》将播出，而该剧亦是她首次作出萤幕初吻的剧集，令她非常难忘。

因为过去拍摄有关灵异题材的节目关系，令到Carman在一次招魂仪式中，开始感受到原来自己是属于灵异体质，她在受访时表示：“有一次去灵探我哋要做一啲招魂嘅仪式，然后我系听到一个女人喺耳边唱歌，之后我就耳鸣，因为本身我系一个阳气重少少嘅人，唔会感受到睇到，但系当𠮶次灵探之后我就开咗sense，连我经理人都入咗医院添。（你有灵异体质？）我谂可能有少少，但我唔系好严重嘅，如果呢个地方气场系有嘅话，我系感受到。”为工作Carman果真豁出去，事后她强调千万不要主动去招惹一些朋友仔，因为会发生不好的事情跟影响身边人。

而讲到其有份出演的台庆剧《美丽战场》快拍快播，传惹来TVB内有监制不满，对此Carman表示不太清楚：“我都唔系好清楚，因为我自己有一些角色俾我做，我就会尽力去做，内部𠮶啲唔系太清楚。”

另外，在剧中饰演反派的她，表示演反派好过瘾，她表示：“入面全部都唔系好嘅角色，全部都系反派，所以对我嚟讲系一个挑战。（做反派过唔过瘾？）好过瘾，我冇谂过咁好玩，同埋我都俾咗萤幕初吻（俾咗边个？）丁子朗，（拍摄前有冇做啲准备？）冇，事前我心理准备，我以为自己会处理好，其实系未准备好，叶念琛导演都好好，佢就保持住教我，原来在锡锡镜头上面都有学问。”

Carman首次演反派问道怕不怕对形象不好，她表示：“我开头都有谂过，呢𠮶角色直头系一个绿茶婊，（怕唔怕惹观众不满？）如果观众不满我，其实都系一件成功事。”事后笑言：“我平时唔系咁架。”相当好笑。而她亦非常感谢叶念琛导演，因为对方一句说话“呢部剧冇𠮶好人，你放心去做，唔会影响你形象。”令到她豁出去演出，我们就拭目以待。