肥妈否认系“轮椅阴功论”女星　见张伟文演出喊唔停︰系有人讲嘅

肥妈（Maria Cordero）日前被卷入“轮椅阴功论”风波，事源现年69岁的张伟文，早前重踏舞台举行演唱会，不过因为身体问题要坐住轮椅演出，事后就有报道指，有女星话见到张伟文坐住轮椅都要演出实在是惨不忍睹，报道传回张伟文耳边，更令他不快！

当日有去睇骚的肥妈亦成为“嫌疑者”，不过肥妈日前接受《娱乐新闻台》访问时，就否认自己是该位女星：“我同黑妹一齐去，我哋一入去都冇买花篮，即时俾咗利是佢先，咁直接好多啦。之后我哋就坐底听，点知听听吓，睇住佢推出嚟，我眼浅就喊到GUR GUR声，之后黑妹就叫我走先，话我影响人哋。同场有好多我哋𠮶行啲人喺度，当时系有人讲话‘咁都要佢出嚟揾钱，阴功呀咁’系有人讲嘅，我听过，但𠮶个就唔系我嚟。讲𠮶人都系唔舍得，佢哋唔明白一个唱歌嘅人，任何环境佢都想唱。”肥妈更表示十分支持张伟文，更笑言二人撞样，是他家姐。