陈炜（炜哥）今日（19/9）现身荃湾出席剧集《黯夜守护者》宣传造势活动。提到同剧演员江嘉敏扮少女被网民狠批老兼声音吵耳。炜哥笑言：“你哋好衰嘅，本身佢就系后生。其实佢都系为咗做好呢个角色啫，而佢呢个角色都系一个反社会人格，咁所以大家觉得佢做乜嘢都会好唔顺眼，咁所以大家尝试去接受佢，始终佢哋呢啲人系需要人嘅关怀。但我亦都知好多人关怀紧佢。不过讲真佢真系喺戏入面做得好好，能够做出反社会人格，我觉得系演得系好出色嘅。”