可岚为未婚夫生第二胎 自爆曾流产两次：呢啲系自然嘅筛选
撰文： 赖家杰
出版：更新：
歌手可岚今天（18日）出席亲子慈善嘉年华活动，可岚接受《香港01》访问时，表示话活动特别有意义：“虽然近排好热，但我今日都特登著运动装，睇下一阵会唔会落场，因为呢个活动系帮紧人，好有意义。”
谈到刚出生的儿子，可岚公布生B那一刻，大家都很惊讶，因为可岚并没有对外公开。儿子已出生了一段时间，早前可岚便帮他举办百日宴，可岚笑说与未婚夫确实是有造人计划，原本以为到这年纪是很难怀上第二胎，她说：“平常心有就有，冇就算。点知买咗只狗之后就突然出现，好开心嘅一件事，我哋都期待咗好耐佢出现。啱啱怀孕个时疫情，唔系唔想同大家讲，但筹备个时试过两次冇咗，就传统文化就一路都冇讲。”
可岚提到曾试过两次流产，对她来说也是一种打击，“因为呢两次唔系怀孕好多个月先冇，咁医生话呢啲系自然嘅筛选，所以我哋都话冇办法，咁依家有健康BB。”
可岚甚少谈及未婚夫，她笑言未婚夫是一个很害羞的人：“一来佢系圈外人，二来佢好斯文，甚至乎有啲人问我佢系咪有妇之夫嚟，我话唔系，佢真系一个正常普通人，同埋我哋年纪都唔系差好远。所以我平时做访问都好少提佢，因为佢真系好惊。”
可岚坦言与未婚夫的关系已经是认定终生，至于结婚签纸并不著急：“我哋私定终身㗎啦，交换咗戒指，个张纸我就想到七老八十先签，因为唔系随便签，画个龟就系，到时七老八十就会叫大家见证，我都冇所谓。”
经历过一段失败婚姻，可岚再次找到她的幸福，网友们都纷纷在网上留言，可岚坦言与前夫还有联络，但也只是为了儿子：“我哋都有时会联络，因为小朋友喺中间，冇唔愉快，因为小朋友喺中间。”
点击下图观看相关图片：
+2