丝打围佬｜与火火由前度变知己　虾头：做唔成情侣但爱依然存在

由杨诗敏（虾头）和连诗雅（Shiga）主持的网上节目《丝打围佬》，一连两星期请来虾头前度李家荣（火火）大谈“再见Ex是朋友”的话题。虾头和火火重提昔日就读演艺学院时相识、相恋的经过，拍拖三年半的二人最终因火火搭上另一女生而分手。由前度变成今日的知己好友，虾头除了是火火一对子女的契妈、亦是火火老婆的密友，虾头坦言关系得以升华是彼此有共同信念：“我哋对对方都系一个好重要嘅人，亦都系好了解对方……我哋做唔成情侣呢个关系啫，但我哋嘅爱依然存在。”

火火坦言年少时是一名浪子，全因对自己没有信心，自觉能力不够，不敢对任何人许下承诺。直到遇上现任太太，他才由“无脚嘅雀仔”变成今日为家庭打拼的丈夫和爸爸：“我同佢拍咗9个月拖，突然发现佢有BB，喺呢个状态下，我就谂点处理呀？唔识处理，都冇能力处理，系咪一定要行𠮶条路呀？唔系冇生机㖞。点知佢净系望住我讲，‘几时同爸爸妈妈讲呀？’讲完之后就去睇埋衫，买BB衫。我突然望住呢个女人，呢个世界除咗我阿妈之外，未遇过一个女人觉得我系得。”

此时，虾头突然眼湿湿，火火续说：“佢冇话‘点呀，你要唔要？你得唔得？你掂唔掂？你掂我先生’，佢冇，佢净系同我讲，‘下星期六同我阿爸，阿妈饮茶话畀佢哋听’，佢觉得同我一齐就咩都唔惊，佢点解唔惊呀？咪就系因为觉得我得啰……突然间有个人觉得你得，我信你，我将我一生投注喺你身上面，你𠮶刻就觉得唔好令佢失望。既然有个人all-in落你度，你系咪都要all-in番落佢度，你先对得住佢同自己。”虾头一边听一边落泪，非常感触。

谈到触动的原因，虾头表示是看到火火的成长感到安慰：“好似老怀安慰，儿时识佢时，佢真系唔系一个咁成熟、咁为别人设想嘅人。”至于二人能由前度变成今日的知己，虾头坦言是彼此有共同信念：“我哋对对方都系一个好重要嘅人，亦都系好了解对方……我哋做唔成情侣呢个关系啫，但我哋嘅爱依然存在。你真系爱呢个人，你先会想延续个关系。我哋谂通咗，既然做唔成情侣，就做朋友，因为仍然好想你好，仍然好想去关心你。”但火火却不认同“做唔成情侣，就做朋友”这一点，他说：“做唔成情侣，系呢条路行唔到啫，我同你唔系因为做唔成情侣先做朋友，我同你做朋友都系非常欣慰同开心……做唔做得成情侣，我同你都系朋友。”不少网民直言火火道出男人心声，看到虾头喊的一幕，亦有人感概指：“已经找到一个新的位置去继续爱呢个人”，但最多网民问的是：“几时请家乐（陈家乐）做嘉宾？”