姚焯菲16岁生日未敢同男生单独庆祝　直认怕惹麻烦：觉得好唔恰当

姚焯菲（Chantel）今个月22日生日便踏入16岁，今日（17/9）一众粉丝们特意提前为她庆祝生日，在香港迪士尼公园乐园举行神秘生日派对为她送上惊喜，现场气氛非常热闹。Chantel接受访问时开心表示：“其实我唔知道今日佢哋为我搞生日。一开始佢就同我讲话系去欣澳补拍《阳光与空气》MV，但我心谂点解要补拍，首歌MV已经出咗。一开始我系有少少怀疑，而我都有问话Aska（张驰豪）佢都话系嘅，最后就被人车咗嚟呢度。不过我真系好开心，系因为细个嘅时候未必有谂过可以喺呢度搞生日会，况且我都唔知道迪士尼原来系可以搞生日会，咁所以今次真系好难忘。”

被问到正日生日会否和男生单独庆祝？Chantel笑言不会：“一班人系可以嘅，单对单就未必。（点解？怕爸爸闹？）唔关事，而系我觉得好唔恰当。不过系朋友嘅身份系可以嘅，但都系最好就一班人。（会否想谈恋爱？）暂时都唔谂。（要爸爸批准？）其实我就唔知佢嘅标准系点，而佢又冇话得唔得，又冇话几多岁先得，但佢想我成熟啲嘅时候再谂，咁我又认同嘅。（会否觉得做艺人冇晒自由？）系一定会有嘅。但我就觉得呢一啲都系牺牲，但我就唔觉系好惨嘅，又唔会话冇咗呢样嘢我就唔钟意呢行。”