专访︱陈晓东新歌唱出自信　懒理被指胶样：佢哋净系信我冇换眼珠

陈晓东（东东）早前推出由伍仲衡作曲兼编曲，陈咏谦填词的全新广东歌《这种年纪》，睽违五年再次回归本地乐坛，同时宣布在下月22日于西九文化区户外场地举行《HARBOUR THE SONIC陈晓东演唱会2022》，令不少支持东东多年的乐迷感到非常期待。在刚刚过去的9月3日，东东踏入47岁，也算是到了“这种年纪”，以“这种年纪”去唱《这种年纪》，他接受《香港01》专访时坦言别有一番体会：“我觉得唔同人喺唔同阶段，就算睇通咗好多问题，都真系仍然要心怀一个希望，同埋都要保持一个乐观嘅心态，以及做人嘅自信，特别系而家呢个时期，喺香港需要好多互相鼓励，我哋唔好将自己当系受害者去睇件事，好多嘢要自己继续争取，去打开自己一条路，无论几难都好，都要含住个苦楚，拎住个自信，好好创造自己未来，抱住乐观嘅态度。”

的确，东东在入行27年亦经历了许多，由唱片年代过渡到串流年代，亦与不少圈中人有未解或已解的𫐖轕，回望过去，他坦言自己以前未必不觉得是开心的事，到今日已成为一种幸福：“外部环境永远都冇得去控制，系睇我哋点样去适应。（适应得叻？）有适应得唔叻嘅地方，但系我愿意接受新事物，我觉得所有变化都系自然，而我当中并没有任何抱怨。”

相信不少人都会觉得内地和香港市场差距庞大，北望神州有14亿人口，香港就只得700多万居民，出国语歌和出广东歌的成本效益争得远，所以实在未必顾及本地听众需要，但东东却不是这样理解这件事：“真系唔好讲成本，我觉得系要有Passion、好热爱呢件事，作品个意思系大过其他嘢，只要收到好歌，我就会继续录。（好多人觉得既然上面揾到，但系唔使返落嚟。）咁梗系唔系咁啦，我一路以嚟都好挂住香港，只系最近两、三年疫情关系，返嚟要隔离好耐，如果唔系我一早返咗嚟啦！”谈到两岸三地在工作上的分别，他坦言在香港工作最为享受：“真系会冇晒所谓嘅包袱，所谓嘅紧张，成件事都会变得好玩。当然，唔同嘅工作都有辛苦嘅地方，好似拍戏嘅时候，遇到自己唔钟意嘅角色，真系想快啲完咗佢。”

关于东东，近年最多人谈论的莫过于他的样貌，好听会赞他“冻龄”，难听就直指他“胶样”，到底他曾否觉得烦厌？他笑说：“有啲人系顶唔顺我老得比人慢，有啲人觉得我块面系万能，日日都塞唔同嘢落去，又花生又橡胶，点样都会有人讲，我瘦，就会话我下巴摄咗嘢，个样望落攰就会我老态尽现，佢哋净系信我粒眼珠冇换，揾日我宣布眼珠都换埋新，佢哋就会满意喇！”他直言从来没有“搞”过块面，一切都是保养得好：“我系有啲洁癖，洗面要洗到非常干净，同埋我皮肤有少少敏感，好似我拍《兰陵王》咁，拍到变“烂面王”，黐头套啲胶水位全部敏感到变晒牛餐肉咁，而家醒喇，拍古装前面系自己头发，头套就笠半头套，唔使黐胶水。”

明星靠样揾食（当然还有作品），所以连针对样貌的恶评都能够抛诸脑后，相信东东已经可以做到百毒不侵，但他坦言不代表不需要自我反省：“凡事要谂正反两面，只要个态度系你想要支持，你就要支持。我成日觉得，一个人嘅态度系要付出代价，你坚持唔做一件事，你就要承受埋失去如果做嘅好处。（会唔会觉得以前好多嘢要反省？）有，做件事又仓卒又有，做得唔圆满又有，有时系疏忽咗，有时系解决得唔好。”

点击下图观看专访靓相：