【叹得好健康】19岁真靓仔丁子朗　苦练肌肉：每日做10组Plank

《叹得好健康》大家一定记得陈雅思的泳装，那套在雪地穿的火红色……不过另一位主持丁子朗亦非常抢镜，经常说无线青黄不接，19岁的他绝对是最佳接棒人选。这位应届香港先生选举亚军及最上镜先生，在《叹得好健康》第一集中在雪地赤膊上身浸温泉，尽显结实身型，大家一定以为丁子朗要地狱式减肥，但瘦底的他竟然要增肥，他接受《香港01》访问时说:“我平时都食好多嘢 可能本身瘦底 所以食极都唔肥，今次拍节目前，我太瘦喇，啲人都奇怪香港先生咁鬼瘦嘅，我要饮肥仔水，即系protein powder用嚟增肥，点知肥咗块面，我又要狂做运动减返，不过如果饮蛋白质粉嘅话 就一定要每星期起码做三次运动 如果唔系一肥就会肥块面先，不过平时都有做运动嘅习惯 因为受到大学宿舍室友影响 佢好大只 成日迫我去做gym 所以慢慢都变成自己嘅习惯. 好彩有佢带我去做gym 如果唔系我都冇本钱去参加香港先生。”

丁子朗人鱼线吸引，原来他是刻意狂练，他说:“背肌、胸肌太大，有时女仔觉得唔好睇，反而腹肌结实….好多人觉得好sexy，我自己练人鱼线，就一定做Plank(平板支撑)，每次两分半钟，做10 set，同埋再加100下sit up，做完真系想死，我会听住胡鸿钧嘅《情人自扰》做，因为首歌够哂惨，啱哂做紧Sit up嘅时候听。”

比起其他无线艺人，丁子朗亦懂得玩社交媒体，在YouTube亦有频道“胶人、胶事，胶Ding日记”，内容相当生活化，讲自己朋友，讲自己做电灯胆经验，自己拍兼自己剪，好睇过TVB.com的片十倍以上。他说：“我成日都觉得自做唔到幕前可以做幕后，因为好钟意剪嘢，我又冇咩形象，所以咪学下做YouTuber啰。”