栢天男才华洋溢设计腕表有惊喜　沈慧林意料之外：好震撼

万希泉钟表创办人沈慧林（William）今日（7/9）与艺人栢天男（Adam）现身湾仔会展出席“万希泉Ebullience陀飞轮发布会”。对于首次能和Adam携手合作推出新时尚腕表，William大感惊喜：“佢好犀利，佢真系做足功课，带咗成过百嘅设计图出嚟俾我参考，𠮶一刻令我觉得好震撼。我系估唔到佢咁上心。不过起初嘅时候，我同佢喺设计上会谂得好远，但慢慢我同佢就将范围收窄，而且我会畀好多自由度佢去做，最终佢设计出嚟嘅款式系好独一无二，我系非常满意。”

Adam大学主修艺术与设计，向来对艺术充满兴趣，他坦言发梦都没想到，今天竟然拥有一只属于自己亲手设计的腕表：“其实喺我同Willam倾设计嘅时候，大家会谂好多天马行空嘅嘢，又会讲中西合璧，好多新嘅主意，过程大家倾得好开心。虽然今朝先拍完戏，只瞓得两个钟，然后又赶过嚟发布会，但见到自己设计嘅BB出世，我几攰都觉得值得。”