MIRROR演唱会︱造星排舞师炮轰促交代　吁演唱会舞蹈总监勿再龟缩

MIRROR首次红馆演唱会于7月28日举行第4场时发生严重事故，受伤舞蹈员阿Mo（李启言）仍在伊利沙伯医院深切治疗部留医，日前已清醒并可作简单沟通，情况则由危殆转为严重。事发至今已个多月，却仍没有人或单位出来承认责任。曾为Twins、关淑怡、吴雨霏以及张敬轩等排舞，参与过ViuTV节目《全民造星》的星级排舞师邓骏铭 (Zero) 昨日（6日）就于他的IG发长文，向演唱会主办方作出提问，吁演唱会舞蹈总监勿再龟缩 ，又促管理层回应交代，获不少网民留言支持，而COLLAR成员芯駖和Ivy So（苏雅琳）亦有赞好帖文。

网民相信Zero所指是次的舞蹈总监，就是MIRROR的御用排舞师方家诺 ( Rock Sir )。Rock Sir早前曾发文：“作为MIRROR演唱会的舞蹈总监，我在此向参与是次演出的全体24位舞蹈员致以深切慰问。感谢各界在苦难时与大家一起渡过。”

邓骏铭写道：“I’m done waiting. Please, can the dance director step forward and tell the truth now? it really doesn’t matter where you stand, all we need is just an answer.”

Zero续指：“意外至今相隔个几月，主办方大国文化、Makerville同ViuTV每次出嚟嘅声明都系避重就轻未有正面交待过任何有关意外原因、赔偿方式、劳工保障等问题。调查咗咁耐除咗“金属疲劳”之外亦都冇任何嘅结果，责任喺边一方到呢一刻都仲系未知。既然冇人肯主动出嚟交代，咁作为同业我唯有根据所有官方嘅声明去揾返相关嘅单位作出提问。”

“根据Makerville喺2022年8月12日发出嘅声明，‘此次演唱会主要是透过一间舞蹈工作室与舞者合作’，咁即系舞蹈员系直属舞蹈室，而舞蹈室嘅老板就系舞蹈总监，即系话舞蹈总监系判头，佢有义务去保障dancers嘅安全同权益，喺有意外发生嘅情况判头理应代表dancers。但系睇返2022年7月31号23位舞蹈员嘅联合声明，该舞蹈总监亦没有参与联署，反而系相隔几日之后单纯系个人社交媒体出咗一个copy&paste嘅 story就再冇任何嘅交代，我喺呢度恳请是次嘅舞蹈总监唔好再匿埋，行出嚟交代以下问题：

1)既然喺 Mo出意外前已经发生至少三次意外亦有另外一位dancer因为咁而送院，喺职责上面你有冇作出跟进？有冇同主办方解释过舞台嘅危险性并作出risk assessment？主办系咪清楚知道dancers面对紧嘅风险？

2)意外发生之后你本人实质做咗啲咩去维护你下属嘅权益？呢个半月你究竟系点样去同主办方跟进同协助受伤及受困扰嘅下属争取应得嘅赔偿？

3)作为 dancers嘅领班，今次意外究竟个责任系边一方？今次事件之后你会如何防止下次你在担任同样职位时再发生同类事件？

我呢啲问题完全冇针对或者指责任何人，今次意外对于行业系一个好大嘅打击，会直接影响行业生态。咁大件事唔系话你私底下围内同佢地解决咗就算数，因为你已经唔单单净系影响紧一小撮人，坐得总监呢个位就要负责返应有嘅职责同道义，你带班手足开工，你要俾最大程度保障佢地安全，若出事要负责后续事宜及向公众解释系好合理。我只系好希望管理层可以正面回答所有嘅问题，因为而家系连最基本嘅问题都冇人肯回 应，只系不停搬啲重复又重复嘅声明出嚟。定系我需要推到上去公司嘅层面直接问舞蹈室先会得到一个正面嘅回复？”

点击睇Zero IG post原文：