马蹄露神隐三年北上带货　工作受社会运动影响：唔好将我分颜色！

久未露面的马蹄露今日（01/09）出席《警民一心守护动物显爱心宣传日》，会上她分享自己有关圈养动物的睇法，宣传领养以及表示反对圈养动物。近年关于艺人马蹄露的话题颇多，其中最轰动的就是2019年社会运动上有关她的言论和行为，而当年她的举动似乎也间接影响了她在娱乐圈中的发展。今日她接受《香港01》也直认事业受到影响，但却一点也不后悔。

马蹄露说：“你唔好将我分开边一个颜色！我由始至终都支持法治，你有犯法就要拉。我只系支持法治、香港警察！你话有冇后悔当日走咗出嚟，咁言正辞严，我真冇后悔。因为我系做返我自己，良心上面想做嘅事。虽然我个头而家仲痛紧，但系比起喺2019年好多受伤嘅普通市民，算系好彩。我希望大家唔好再谂一啲唔应该谂嘅嘢，做一个奉公守法嘅人，有法要依！”

马蹄露也直言，近年少了很多工作邀约，说：“大家都知演员好被动，有角色啱就会做，有时啲剧未有啱角色所以我未有新剧出，如果大家想见我就睇重播啦。呢段时间我盲可以自己做自己嘢，同埋去内地睇吓我哋大好河山。”她表示，大家可以在抖音平台上与她见面。与TVB还有关系？她回答还有，不过就指自己也可以在其他电视台或者媒体上出现，直言工作不受限制。

她表示，现在将工作重心放在中国的抖音平台、唱歌以及带货活动上，虽然拍剧或是电影工作大减，但她表示仍然开放任何工作邀约。她说：“其实我嚟紧都会喺内地同埋抖音上面发展，当然我都希望喺香港平台或者Facebook同大家唱吓歌仔。”近日马蹄露唱情歌翻hit，令大家重新关注马蹄露的去向，她表示最近开始直播带货，说：“好多艺人而家都北上带货，咁系咪个个都咁好揾呢？系唔系嘅，如果带货想带得好就要拉一间好嘅平台，要倾开播嘅时候佢带畀你几多流量，同埋后台点样支持你。如果你问实际卖得好唔好，真系因人而异，你睇吓李嘉琪都可以几千万卖货，我呢啲咪卖到几千蚊货仔啰，哈哈哈，做人最紧要知足。”