苑琼丹爆喺TVB受冷眼要返亚视喊　连化妆师都恰佢：你自己梳！

苑琼丹在本周日将会登上由王祖蓝担任主持的综艺节目《有个闺密叫祖蓝》担任嘉宾，祖蓝更抵死表示与苑琼丹结缘全因帮衬过对方公司的“育发”及“防脱发”疗程。甫与祖蓝碰头“把口就冇停过”的苑琼丹，一嚟即自封“东北恶狗”：“我会咬人，我份人落闸放狗架！我最大问题系就算我想呃你，但我个样（呃唔到人）…好多人都好惊我，我又好衰嘅、比较八卦，收收埋埋人哋好多黑材料。”

苑仔在节目中先后分享了事业、爱情及婚姻方面的波折及得著，另外还有人生观、爱情观及与《男亲女爱》同剧演员的深厚友情等。苑仔披露当初对演戏产生兴趣，全因读书时上过无线新闻节目：“有次TVB去我学校拍计数机嘅故仔，摄影师拍拍吓走埋我度，咁我咪喺度扮计数咯，𠮶晚返去睇新闻真系见到自己，我就觉得自己好似好识做戏咁。”

1982年因报读亚洲电视第一期艺员训练班入行的苑仔，谓全靠在亚视打好基础，才得以在无线“生存”：“我喺亚视时会得罪啲高层。譬如有人诬蔑我，我会同高层解释，就算佢话：‘唔听呀，你出去啦’，我都会话：‘唔得！我一定要讲。’人哋请你出去你都唔走、系都要讲，其实好冇礼貌。我记得做完头一个星期TVB，我揸番架车去亚视度喊。”

苑仔续指在无线工作初期“好多说话听”：“有一次我梳头，佢（工作人员）梳得有啲唔啱，我就话：‘咦？唔连戏㖞’，梳头𠮶个𠮶把梳就即刻啪喺张台度话：‘咁你自己梳！’其实𠮶吓要发脾气好容易，要起身拍台讲粗口都得，但我当时谂咗谂决定吞咗佢。我拎起把梳，佢真系唔知我识梳，我咪自己吹自己梳，之后就起身走。”苑仔透露当年在亚视化妆间亦曾多番受冷待，更试过坐足一小时冇人理，之后有化妆师点醒便走去学化妆转做“不求人”：“从此以后冇人可以掂我个妆，冇眉毛又好、彩虹眼影又好、画星星眼都好，全部我自己化。”

点击下图睇苑琼丹示范当年俾人冷眼：