饭戏攻心｜黄子华蚀钱唔敢再投资　近10年冇拍剧：而家唔可以唔瞓

由黄子华、邓丽欣（Stephy）、张继聪、王菀之（Ivana）、林明祯及陈湛文主演的电影《饭戏攻心》即将在中秋节上映，早前黄子华接受内地传媒访问时大谈拍摄趣事，还分享了自己未来的工作计划，近年主力拍电影的他，自2013年剧集《My盛Lady》后就没有再接拍电视剧，他坦言现时比较难应付：“因为电视剧好长呀要做，同埋个体力消耗真系好犀利，而家唔可以唔瞓，以前可以几个月唔瞓㗎真系。其实我系好随缘，如果我遇到好嘅剧本，咁咪做啰，如果冇嘅时候我又返去继续学下相对论先啦。”

曾在2020年自导自演《乜代宗师》的黄子华，今次回归演员身份，他坦言做导演非常难：“电影系用好多钱拍嘅嘢嚟嘅，如果𠮶个人失败咗一次，或者蚀好多钱，佢未必会继续。譬如我咁样，我上次拍呢个《乜代宗师》系蚀咗好多钱，我系有排都唔会再够胆投资，所以系好希望譬如我而家拍嘅戏，起码老板可以赚返钱先啦，如果老板冇钱，呢个世界就冇电影，跟住当然希望靠个好嘅口碑，得到好嘅票房，咁当然就系最好啦。”

其实黄子华曾在由郑裕玲（Do姐）主持的电台节目《口水多过浪花》中自爆拍《乜代宗师》蚀钱：“上次自己做老板的《乜代宗师》虽然票房过三千万，但部戏拍得很贵，蚀了很多钱，发觉自己做老板真的揾笨，所以今次都系做返演员好啲。”