痞子殿下｜何泳芍Honey着返衫仲多人识 扮丑突围抢镜过做靓女
TVB剧《痞子殿下》中哨牙珍（仇亚珍）一角异常抢镜，就算她只是一闪而过或只是出现一两幕也好，都必定会在大家脑海中留下深刻印象，但其实哨牙珍的扮演者却是曾参选香港小姐进入最后五强，被封为“美人鱼教练”的何泳芍（Honey）。幕前幕后的何泳芍差别非常之大，不少人都表示认不出。
何泳芍：都冇乜资格行靓女路线
何泳芍接受《香港01》访问时，直言自己一直都不是走靓女路线，所以接到“仇亚珍”角色的时候心里面并没有什么抵触，反而因为有破格演出而感到兴奋，说：“其实我不嬲都唔想行靓女路线（都冇乜资格行），靓女公司大把，但系做哨牙珍可以做都得咁开心我谂应该唔多，所以都好多谢监制见到我呢一面，我都有问过监制点解会指定要我做阿珍。佢话见过我一啲YouTube嘅片，觉得我傻傻吓同乜都讲嘅性格好似佢心目中嘅哨牙珍。”
post哨牙珍剧照即被unfollow
虽则说饰演“仇亚珍”为她带来了不少话题讨论，令更多家庭观众认识到她，但其实演出后她也有“损失”。她说：“IG post完哨牙珍啲相之后follower跌咗！都理解嘅哈哈，虽然系咁，我都好想大家可以睇到我为咗做戏可以豁出去嘅一面，就算少咗人钟意都唔紧要，有钟意我性格嘅人嘅支持就得啦。”
帮角色开IG同网民互动
她续说，为了更加投入角色和加入一点趣味性，她还替哨牙珍（仇亚珍）开设了一个个人IG，以哨牙珍的身份和网民互动。她说：“阿珍平日时影落好多好搞笑嘅相，咁梗系要post IG啦，不过私心讲我唔想大家挂住睇阿珍啲靓相，忘记咗我本来系点。大家去睇阿珍个玩IG，就可以知道佢玩social media系点。我其实好唔舍得阿珍呢个角色。”
做配角都好认真
她直言，为了角色可以更好玩一些，有内涵和立体一些，还自己为哨牙珍加插童年背景，说：“我会做得比较黑人憎但系又唔会令人好讨厌，最好带少少可爱。我仲帮阿呀珍谂埋佢嘅童年或者系点解会变成咁，呢个就剧本冇嘅。例如我会谂佢细细个就俾父母抛弃，流落街头，由细到大都冇读过书，生存方法都系靠偷呃拐骗，之后辗转嚟到首振镇。虽然阿珍有时会呃吓人钱，但系朋友有难都系会义不容辞出手。”
何泳芍幽默回应网民负评
何泳芍入行后有不少网民批评她只得身材但却没有外貌，提到这件事她一笑置之，笑言自己不是走靓女路线，并说：“我都唔系好care网民点睇我，咁讲啦，以前有网民话我样衰，我而家我做咗阿珍之后就可以话你知，我可以再样衰啲！”