最后礼物︱黄子华宣布再加开10场　创疫情下舞台剧最多场数纪录

黄子华潘灿良主演的舞台剧《最后礼物》，来到第25 场子华于谢幕时突然惊喜宣布再加开十场！子华、阿灿带领一众演员谢幕，接受观众欢呼及掌声，子华话：“有个特别消息公布！其实都唔系好关你地事。呢个消息系我哋会加开十场！”观众欢呼声再四起，“如果你哋今晚睇完之后，有少少不满意，你等我哋星期五加咗场卖晒飞你先好去同人讲你o既不满。但如果你真系不满，我要恭喜你，因为你个家庭一定好幸福。咁重有朋友想睇，你哋就帮我话声佢哋听....”语毕又令观众随即拍烂手掌，笑声满场。 加场门票于8月26日（五）早上10时快达票网站公开发售。

阿灿昨晚台上表示，对观众热情支持，实在很感谢：“香港仲有好多好嘅演出等紧大家去支持，系我哋同期，或者跟住后面重有好多唔同题材又精彩嘅舞台剧，大家可以去睇埋，嚟紧中秋节，香港人要支持香港电影！”观众即又欢呼声四起，大叫“〈饭气攻心〉！”子华见阿灿咁客气为他宣传电影，即时回礼：“嚟紧有个舞台剧叫《短暂的婚姻》！系潘灿良导演！大家记得支持。”又引来掌声雷动。

演出过后，子华及阿灿异口同声表示没想到眨眼就已经做了25 场，比想中日子过得要快。阿灿谓有一点累，子华就笑谓：“佢真fit 过我，我就攰到每日都虚脱。”这次《最后礼物》口碑载道，询众要求再加十场，创下疫情中最多场数舞台剧纪录，但仍有很多观众买不到飞，外间要求加多廿场都唔嫌多，子华闻言即回话，“唔好再加啦！十场够啦！原则上我想做埋听日就休息添呀。但系知道真系好多人想睇到一个咁好嘅制作，咁好嘅表演.....加上我发现好多人睇完之后，个剧带俾佢地好多反思，对佢地有一个“好”的影响，有睇过都知，我地个剧系讲家庭，所以我先搏埋条命做多十场。我 哋系孙悟空就好啦，可以做几百场，但系五十场对我嚟来讲，真系尽啦。”阿灿: “舞台系神圣嘅，得咁多就咁多。”子华: “真系同生命一样，如梦如幻如泡影....”阿灿: “不论系演个个，同睇个个都要好好珍惜佢，舞台价值先存在。”