专访｜杨柳青改名昐突破事业樽颈：成日都谂点解仲未到我

由杨琳到杨柳青再到杨梓菁，不难感受到杨梓菁希望藉改名转运的心态，她亦坦言“每个演员都有樽颈位”。由模特儿到打女，杨梓菁笑言入行至今经常自我质疑个人价值，今年6月签约新公司同时改名杨梓菁，无非想在事业上有所突破。“过往最好决定系做艺打演员，虽然辛苦，但做演员自我价值评估好低，做生意揾到自我价值之余，亦都可以支撑到自己想做嘅嘢，叫做揾到平衡。否则其实你问每一个艺人，除非佢真系好红，如果唔系大家都会话你知好迷失。我成日都会谂仲继唔继续做呢行、点解仲未到我，但另一边厢又会觉得做呢一行可以更认识自己，都系一件好事。”

剧集《三十而已》前年在内地热播，连带有份参演的高海宁、马志威也成功打入内地市场，同样有份在剧集出演的杨梓菁却未见起色，虽然这正正就是她口中所说的“点解唔系我？”，但她自觉入行至今参演作品超过20部，算是较为幸运的一位，但由于并非演艺班出身，所以每当有机会时，都很担心自己未ready。“𠮶次timing系好错，因为我自己一个人去上海，当时连支付宝都冇，火车票又订错晒，最后用咗40几小时先去到，个人肿晒咁去开工，一冇打灯即时好似大妈咁，但人哋唔会知你经历过咩，只系睇结果。”杨梓菁去年完约邵氏后未有再续约，这种机会明显是她自己可以控制的。“我本身同TVB的部头约，然后同太阳娱乐有约，太阳娱乐co-mange邵氏，所以太阳份约一完就等如完晒。我份人好得意，钟意拣啲冷门嘢，就似似我做打女，点解拣新公司因为少人，冇咁多竞争，邵氏太多人，如果要出众，真系要好搏，而我唔想同人斗，只想做好自己。”

杨梓菁因身手敏捷而受到关注，但她接下来意拍摄以女性为题材的电影，就连做健身中心，亦以女性顾客为主，希望女生能增值自我的同时，爱锡自己多一点。“我17岁已经出来工作，冇背景、冇家底之下慢慢行到呢一步，其实都算对自己有交代。我唔系要红到大家都认识，而系想用自己感染帮大家建立自信。”杨梓菁早年曾入口韩国时装、与友人经营首饰品牌、开办健身艺术学校，至今未曾蚀钱，她谦虚表示自己唔算做生意好叻，只系有兴趣做生意。“因为我系处女座，所以一做就要做到最好。接下来都会以做生意为主，但唔会放弃演员呢一部分，希望揾到好嘅团队帮我打理生意，令我自己放心去演戏。”

杨梓菁去年与拍拖3年多的外藉男友分手，关于感情部分，她不愿多谈，只表示分手最大原因是太过独立以及文化差异。“成日都觉得自己就成追唔上父母嘅老化，想两老更安稳，但其实连细佬同阿妹都话两老从冇要求立过我啲咩，系自己比压力自己，可能因为我系长女，所以呢几年不断去调节自己心理‘原来我系可以弱’、‘我系可以依靠别人’。妈妈同契妈都成日催我结婚，但我唔想因为佢哋一句或者年龄关系而去做，将来如果婚姻唔开心，边个负责任。”杨梓菁样靓身材正，身边理应不乏追求者，但她表示十分宅，加上怕被误会媾仔，所以如果以随缘的心态看待爱情。

化妆：@hazesmakeup

发型：Mark Ip @HAiR

场地：CHILLAX