与陈茵媺结婚9年甜蜜如初　陈豪分享维系夫妻关系秘诀！

陈豪（Mo）昨日（19/8）现身网台节目《丝打围佬》，与主持杨诗敏（虾头）及连诗雅（Shiga）大谈夫妻间相处之道。阿Mo与陈茵媺（Aimee）结婚9年依然甜蜜如初，纵然育有三位小朋友，他们仍会抽时间二人世界维系彼此间的感情。阿Mo坦言与Aimee很少吵架，兼从未讲过一句会破坏夫妻关系的说话，他们亦有专属的“爱情密码”，可以瞬间化解二人的怒气。

回想起与Aimee认识的瞬间，阿Mo坦言不是一见钟情，而是慢慢认识对方，开始有交流才互相有好感：“部剧（《心战》）完咗先正式拍拖，慢慢先正式开始发展。认识佢嘅时候叫做有啲经历，大家未有心情谈恋爱。反而认识愈耐就愈觉得，尤其系年纪，听到同佢差10年令我觉得好似好match，行落去发现性格好match，taste、感觉全部都match，好多嘢就顺理成章变得更好。”

两夫妻结婚多年依旧甜蜜，其中一个秘诀就是在家中的分工明确，阿Mo主外，太太Aimee则主内。他说：“男人学番做男人嘅嘢，女人学番做女人嘅嘢，唔系性别歧视……屋企好多嘢都要女人做主导，太太、妈妈喺屋企话晒事，而男人就负责出面嘅嘢，点将收入拎番屋企，大家互相配合就唔会有冲撞。”

谈到夫妻间的相处之道，阿Mo表示要以尊重、沟通为出发点，亦坦言很少与Aimee吵架：“会有意见不合，大家会去沟通，有唔出声、大家拧歪面，但从来冇好似闹交咁去讲任何伤害性嘅说话，而去破坏我哋之间嘅关系，一句都冇。”他们维系着透明、互相尊重对方感受的婚姻关系，他与Aimee亦有专属的“爱情密码”：“大家之间冇秘密，我哋都有一个紧急密码，当闹到面红耳绿，甚至嘈到离婚咁济，大家讲个密码就要即刻放低晒所有嘢，要去爱对方、接受番对方。”

阿Mo笑言当三位小朋友长大后就会“拍拍箩柚走咗去”，所以更加要维系与Aimee之间的爱，他表示：“应承咗每年都要一个二人世界嘅trip，冇小朋友，斋老公老婆，尽量维系之间关系，尽量拍下拖。细路仔就分开同佢哋再出去，但疫情就冇，但都有独立分开去staycation。尤其有咗小朋友，好多时间、精神，心血都放喺教细路哥，变咗有时会忽略大家之间关系，而其实家庭中嘅爱系好紧要，就要睇夫妻间做得好唔好，细路仔先可以喺充满爱嘅环境长大，佢哋嘅笑容入面先会见到阳光。”阿Mo亦因而非常注重与Aimee要有健康和良好的关系，并希望这份爱可以在家中孕育下去。

点击睇Aimee靓相：