柬埔寨诈骗案传泰国变中转站 泰国通胡慧冲：去私窦有存在性危险
柬埔寨人口贩卖案成为了近日新闻标题，除了中国大陆及台湾等地，也有港人被诱骗到柬埔寨、缅甸等国，遭禁锢从事网骗工作，期间遭虐待及勒索。保安局副局长卓孝业今早（19日）在电台节目表示，当局接获23宗求助，当中11人仍未回港。近日旅游限制逐步解锁，有不少香港人都因为人口贩卖案而打消了前往泰国旅行的念头。曾主持多个旅游节目的“泰国通”胡慧冲接受《香港01》访问时，也呼吁大家尽量不要前往泰国旅行，就算到访泰国也要注意自身安全。
泰国旅游安全？
“泰国通”胡慧冲接受《香港01》访问时表示自己的消息来源均来自《香港01》报道，但暂时未见泰国传媒有广泛报道，说：“就讲呢啲骗案，除咗香港人台湾人被骗徒骗到柬埔寨、缅甸做黑工之外，查实都有啲泰国人被骗到呢啲地方，久唔久都有泰国新闻讲呢啲，但系就未至于好轰动，所以泰国有时都会呼吁啲人要小心，但系不至于铺天盖地咁讲。”
泰国有人口贩卖案新闻？
胡慧冲表示，泰国当地新闻并没有广泛报道，但也不代表不存在这些问题。他续说要根除这些问题，最重要的是泰国政府将犯罪集团连根拔起。去泰国旅游安全与否？胡慧冲说：“到目前为最好都留意返《香港01》报道，因为每日都有新事情出现，譬如呢几日都见唔到通街抢人事件，但系嚟紧会唔会有呢，冇人知。大家经常都讲，呢个世界上都有好人同坏人，我唔够胆100%讲香港人好安全，泰国又好安全。”
胡慧冲分享三个泰国旅游安全Tips
访问中他也分享了三个泰国外游要注意的事项，呼吁大家少去夜街：“人在外地好多样嘢都要小心，譬如唔好去偏僻同埋好静嘅地方，同埋唔好炫耀，戴晒金表金链，攞晒啲钱出嚟。如果大家真系好担心，出入叫车会见到司机number，就最好影低个number send畀朋友，叫佢哋隔15或者20分钟后揾你，确保安全，尤其是陌生人畀啲好嘢你，或者带你去一啲地方，最紧要千唔好制。去夜街要小心，譬如咸咸湿湿嘅，有人叫你去私窦，𠮶啲就算唔关人口贩卖，都会有存在性危险。”
Tuk tuk车安全？
有不少香港人去泰国都会坐tuk tuk车，胡慧冲则表示坐tuk tuk车相对上比较不安全，其一因为坐tuk tuk车会有可能被抢手袋，其二收费也没有call车来得透明，他还建议大家出入call车较好，说：“tuk tuk车冇冷气，天气又咁热点解要辛苦自己呢？”也提供了一个安全tips，说：“泰国冇Uber，我哋系用Grab。如果有事发生，泰国可以打一个tourist police（旅客警察）电话，1155。”
胡慧冲续指，他也听闻过人口贩卖的事，以前在芭提雅有人招揽人到柬埔寨、缅甸等地做“荀工”，说：“据闻以前有华人喺芭提雅咁做，我都系据闻，而家就唔知啦，早一年半年都听过朋友讲呢啲。以居住喺泰国嘅香港人嚟讲，（对柬埔寨人口贩卖案）普遍反应都系一般般，相反地亦都有啲消息传出嚟，开始有华文哄啲本地人去柬埔寨做嘢，呢排就多咗呢啲广告喺Facebook出现。”
可以去泰国玩？
胡慧冲有没有遇过有人邀请他去柬埔寨工作？他笑说：“我谂佢哋会拣人嘅，会揾啲精灵啲嘅，揾我做乜？年龄又大，浪费米饭啦。”最后他也给了一些建议，说：“首先去泰国旅游要考虑清楚先，睇多啲新闻先。唔讲风唔风险呢样嘢，而家个风吹得咁劲嘅话，去到你都提心吊胆，你都惊，你啲屋企人都惊，与其系咁不如迟啲觉得安全冇事先考虑。”