专访｜G.E.M.闭关半年创作新碟唔觉浪费：咁样我系使钱唔赚钱

G.E.M.（邓紫棋）今年初为新碟而全面闭关，上月她正式“出关”，并同时将微博帐目改为“Gloria歌莉雅”。G.E.M.在内地人气高企，闭关半年收入固然受到影响，近日她接受《香港01》访问时，笑言这是个“使钱唔赚钱”的做法，并透露公司同事曾向她提议“做一两个唔太嘥时间嘅工作”，但最终遭到她本人否决：“因为我决定要闭关时，已经写咗半个剧本，知道要做嘅嘢太复杂，如果留后路比自己就唔得，所以公布埋自己要消失。”

新碟名为《启示录》，并以 “音乐连续剧”形式呈现14首MV，制作费2,500万，首次担任MV编剧及监制，过程虽然波折重重，但G.E.M.认为一直都是值得的。“4号先喺青岛拍完《GLORIA》MV，5号返到上海就同剪接师一齐剪到6号零晨，得3日做后期。半年前我谂要做呢件事时，冇谂过做得咁真实，本身谂过4月出，但太大想头。而家睇的话，闭关半年都好值得，满足感比过往系多好多。”G.E.M.仍然记得第一次与工作人员提及这个想法时，由众人的反应系“你冇可能做到”，其后在家中开会时，她详细讲解每集MV的内容，再加上音乐的配合，成功引起大家的兴趣。“我本身冇编剧背景，但我系完成咗一个不可能的任务，满足感比过往系多好多。”

从将微博帐号改名为“GLORIA”后，有网民认为是与旧东家的合约纠纷、有乐迷指出G.E.M.的英文名字本来就是Gloria、亦有网民指此举与台湾天后张惠妹分身成阿密特一样。G.E.M.呢日接受访问时，透露宣传期结束后，就会将微博帐号重改为邓紫棋，但并不排除Gloria会与大家见面。“Gloria真系我原名，舞台下嘅我好多不安、不自信，甚至受伤都唔敢表露，今次某程度上系更真实去呈现一啲一直以嚟都无比大家睇到嘅部分。其实喺整个制作过程中，有啲连我自己都唔为意嘅伤口被医好咗，个人亦都温和咗少少，而家系愈来愈似剧中嘅Gloria。”

入行14年，由香港嘅叱咤乐坛生力军女歌手，到福布斯《30 Under 30》名人榜、美国太空总署美国科学突破奖，G.E.M.获奖无数，问到奖项如今对她而言是否如同浮云，她表示：“以前拎到有代表性嘅奖一定会开心，因为系受到认为，而且系权威嘅认同。但如果一个人不断寻求认同，生活就会变得恐惧，因为怕不被认同，今次专辑其中一个讯息就系唔好惊别人点睇你，当你能够喺恐惧之中走出嚟，会自由好多。我成日都会有意识地提自己唔好去追求呢啲嘢，当习惯成自然，提多几次之后，就可以纯正自己嘅动机同埋心。我觉得我而家境界系可以自由地接收赞美，而唔系有人赞开心、冇人赞会失落，但其实就算咁，都唔代表再有个劲啲嘅奖颁比你嘅时候，唔会有一下觉得被tempted。”

G.E.M.（邓紫棋）去年底曾发千字文，坦言近年过得迷惘，幸好能在姐妹群倾诉。G.E.M.向来与何超莲、李蕴感情深厚，以为姐妹群会有以上人士，结果原来唔系。“你问边个帮走出困境，我真系可以数出嚟：钟舒漫、钟舒淇同王君馨。上年8月左右，自己突然崩溃，我喺group问大家得唔得闲，如果倾到早上5点，将心入面好多垃圾吐晒出嚟，佢哋真系喺精神上比我好多支持。至于你问我点走出嚟，其实应该系话点解我台上唱歌会惊，因为已经收到好多赞美，所以稍有差池，会令人失望，变相我系寻求大家嘅认同，但表演唔应该系咁，因为唔系考试嘛，喺造碟过程中开始了解到呢件事，所以呢一年自己转变真系好大，而佢哋几个一直好支持我，真系好多谢佢哋。”