有个闺密叫祖蓝｜薛凯琪爆父母分开患情绪病：爱情令我病情恶化
《有个闺密叫祖蓝》昨晚嘉宾是与王祖蓝认识了18年的薛凯琪（Fiona），对于薛凯琪、王祖蓝大爆对方是喊包、十次见面喊足七次，又直指自己唔够资格做对方闺密：“佢要倾通宵电话架，但我系挨唔到眼瞓。”
甚少主动提感情事的Fiona，节目中大方谈及当年拍摄电影《人间喜剧》时情绪病爆发事件，面对祖蓝追问因由时亦毫不忌讳直指与感情有关：“一来系爹哋妈咪分开，但我依家会形容（唔开心）系我自己畀自己，依家会怪自己𠮶时点解怪责屋企；另外咁桥𠮶一年嘅爱情令我病情恶化。”并感叹当时有可能将愤怒转嫁了祖蓝身上。
Fiona又指读书时“乏人问津”，暂时拍拖次数则“十只手指数得晒”：“我以前皮肤好黑、四眼同埋箍牙，大学先初恋，中学完全冇人追。”Fiona又强调自己没有拍过散拖，并谓面对舆论压力，其独门爱情保鲜法是“死都唔认拍拖”。虽然如此，祖蓝最后一个“闺密任务”竟挑战难度追问Fiona现时有否心上人，Fiona奋力抵抗一轮后，终“投降”跟祖蓝咬耳仔，更说至细声讲大声笑。而Fiona亦非省油灯，一度“反客为主”追问祖蓝与李亚男当初为何“焗住认爱”，二人“招来招往”相当抵死。Fiona又指偶尔有祈求天父赐她一个小孩：“有时我同上天讲嘢时会掩住个肚，我会话你觉得系时候嘅话，就要畀我喇。”又打趣问祖蓝有否兴趣做“契妈”而非“契爷”。
Fiona谓不少男性好友视她为“麻甩佬”：“我记得啱啱入行成日见余文乐，𠮶时揾佢帮我录宣传啦，佢一嚟就形容我系麻甩佬。”除了“麻甩”，Fiona丧笑指自己厨艺曾吓“停”恋人：“我唔记得煮咗乜，我净系记得佢食咗几啖就冇食。”之前在《美女厨房》展现过地狱级厨艺的Fiona、原来多年来零进步，更向祖蓝展示最新“地狱级”作品：“有日煮咗个面，个面著咗火，仲有火烧年糕同烘㶶多士架。”
：
讲到最Friend，Fiona“忠于”老友方大同，并指对方影响其三观：“佢系我其中一个生命导师，喺我最困惑时佢将我拉番出嚟，叫我唔好做傻事。佢话呢个世界冇衰人，如果个个都觉得巫婆系巫婆，咁佢就一世系巫婆，因为佢呢句嘢，I always try to find the best in people。”
点击下图睇更多薛凯琪靓相