专访｜与张天赋亦敌亦友无须比较　洪嘉豪：虽然佢爬得快啲

张天赋（MC）与洪嘉豪（Kaho）去年10月在旺角麦花臣举行《我是现场》音乐会；一年未够，二人将在九展举行《Kaho x MC Frenemy live 2022》演唱会，场地、场次变大／多，但一票难求。“上次系担心啲飞卖唔晒，今次反应咁热烈其实系定心针，嚟紧希望可以争取更大嘅场地，有多啲飞卖俾大家。”

俗语有谓“打铁要趁热”，洪嘉豪说去年完成《我是现场》后，很快就已经落实会在更大的场地开骚，直到《Kaho x MC Frenemy live 2022》公布后，MC曾在限时动态发文“冇飞”，明显一票难求。为此，两位都感到十分抱歉，MC说:“原来真系有好多fans支持，所以要继续努力，但除衫就……我哋唔系𠮶派。”对于洪嘉豪最近在新歌MV《污糟儿》有出浴镜头，加上不时分享健身、食鸡胸肉的好处，难免会令人误会是准备在演唱会中骚肌，但他解释纯粹是为了有更好的状态，而绝非想做大只仔。“ MV𠮶幕我本身都谂过著衫冲凉，但人始终要踏出少少，咁都系香肩啫。”

演唱会以“FRENEMY”为主题，FRENEMY由friend（朋友）和enemy（敌人）两字所组成。洪嘉豪在出道前已认识MC，由朋友变为同门，加上二人先后得到叱咤乐坛生力军（金奖），“亦敌亦友”确是很适合形容二人关系。“我哋真系好friend，但外间好多人将我哋去比较，所以呢个主题真系好好，通常两兄弟就会咁。又或者有两个人佢哋小时候已经一齐踢波，长大之后效力唔同嘅球会，当要对决时，其实并不存在任何竞争，因为大家都系全心全意为队波；而我哋就系为自己嘅事业去打拚，你冲锋时我高飞，大家都会开心，所谓嘅‘敌’系向上爬，虽然你爬得快啲。”提到圈中会否还有能列入frenemy系列的对象时，二人即异口同声表示“我唔系好多朋友”，入行时间尚短 的MC说：“未有熟到可以与对方为敌，但你知对方一定唔会伤害自己嘅朋友。”

为了是次演唱会，二人将会接连推出三首合唱歌，可会担心歌迷一时半刻消化不了？洪嘉豪直说：“如果冇合唱歌，我哋地直情消化唔到个骚嘅rundown，我又冇理由唱佢嘅首本名曲，所以有合唱歌系好事。”MC认为如今听众接受能力十分强，情况有如他出道至今，一直在尝试不同的曲风。“以往嘅歌有好成绩，但听众会唔会唔钟意呢首呢？不过fans嘅支持说明了一切，佢哋支持我做更多嘅创新，呢个系动力，但其实都会有压力。不过我希望忠于自己嘅宗旨，因为好多时都觉得香港应该有更多嘅歌手、曲风被发现，而唔系只限于情歌。

《造星II》之后，MC未有加ViuTV，做了一年独立歌手后，加入华纳正式出道，去年在颁奖礼上力压Edan（吕爵安）勇夺“叱咤乐坛生力军男歌手金奖”，星途看来一帆风顺，有网民指他“以1敌12（MIRROR）”，对于这种赞赏，他谦虚表示：“呢个唔系一个战争，唔系一敌几多。大家性质唔同，佢哋系男团，我系独立歌手。相反，如果你可以拎我同周杰伦比，我会开心，因为好希望可成为唱作歌手，所以唔应该系咁睇。大家嘅目标都系想更多人关注音乐，而唔系要人睇我哋打仗。”

发型 : Ftanco Chung@ Leonardo 3 Hair Corner

化妆 : Circle Chong

服装：@implyofficial

摄影：叶志明